ചെന്നൈ: ഉത്സവ സമയ തിരക്ക് കാരണം ചില സംസ്ഥാനങ്ങളില് കോവിഡ് -19 കേസുകള് വര്ദ്ധിക്കുന്നതായി തമിഴ്നാട് ആരോഗ്യ മന്ത്രി സി വിജയബാസ്കര്. എന്നാല് തമിഴ്നാട് കേസുകള് താഴുകയാണെന്നും വ്യാപകമായി നടത്തുന്ന ആര്ടി-പിസിആര് പരിശോധനയാണ് ഇതിന് കാരണമെന്നും അദ്ദേഹം കൂട്ടിച്ചേര്ത്തു.
അതേസമയം, തമിഴ്നാട്ടില് ശനിയാഴ്ച 1,912 പുതിയ കൊറോണ വൈറസ് കേസുകളും 12 മരണങ്ങളും രേഖപ്പെടുത്തി. അണുബാധകളുടെ എണ്ണം 7.56 ലക്ഷത്തിലധികവും മൊത്തം മരണങ്ങള് 11,466 ഉം ആയി. 17,154 പേര് രോഗമുക്തി നേടി. ശനിയാഴ്ച മാത്രം 2,494 പേര്ക്ക് അണുബാധ ഭേദമായതായി സര്ക്കാര് ബുള്ളറ്റിന് പറയുന്നു. ചെന്നൈയില് 509 പുതിയ കേസുകളും കോയമ്പത്തൂരില് 182 ഉം ചെംഗല്പട്ടുവില് 139 ഉം പുതിയ കേസുകള് റിപ്പോര്ട്ട് ചെയ്തുവെന്നും അദ്ദേഹം വ്യക്തമാക്കി.
