മലപ്പുറം| മലപ്പുറം ചട്ടിപ്പറമ്പില് വീട്ടിലെ പ്രസവത്തെത്തുടര്ന്ന് ചികിത്സ കിട്ടാതെ യുവതി മരിച്ച സംഭവത്തില് ഒരാള് കൂടി പോലീസ് കസ്റ്റഡിയില്. അസ്മയുടെ പ്രസവം എടുക്കാന് സഹായിച്ച ഒതുക്കുങ്ങല് സ്വദേശി ഫാത്തിമയെയാണ് മലപ്പുറം പോലീസ് കസ്റ്റഡിയിലെടുത്തത്. സംഭവത്തില് അസ്മയുടെ ഭര്ത്താവ് സിറാജ്ജുദ്ദിനെ നേരത്തെ പോലീസ് അറസ്റ്റ് ചെയ്തിരുന്നു.
തെളിവ് നശിപ്പിച്ചുവെന്ന കുറ്റവും സിറാജുദ്ദീനെതിരെ ചുമത്തിയിട്ടുണ്ട്. .
യുവതിയെ വീട്ടില് വച്ച് പ്രസവിക്കുന്നതിന് മനപൂര്വം നിര്ബന്ധിച്ചുവെന്നാണ് സിറാജ്ജുദ്ദിനെതിരായ കുറ്റം. പ്രസവാനന്തരം ചികിത്സ കിട്ടാതെ അസ്മ മരിച്ചതിനാല് നരഹത്യയും.പിന്നീട് തെളിവ് നശിപ്പിച്ചതിനാല് ഈ കുറ്റവും സിറാജുദ്ദീനെതിരെ ചുമത്തിയിട്ടുണ്ട്. .
രക്തം വാര്ന്നാണ് യുവതി മരിച്ചതെന്ന് പോസ്റ്റ്മോർട്ടം റിപ്പോർട്ടിൽ
അസ്മയുടെ നേരത്തെയുള്ള നാല് പ്രസവത്തില് രണ്ട് പ്രസവം വീട്ടിലാണ് നടന്നത്. ആശുപത്രിയില് പ്രസവിക്കുന്നതിന് സിറാജ്ജുദ്ദീന് അനുവദിക്കാത്തതിനാലാണ് വീട്ടില് പ്രസവിച്ചതെന്ന് അന്വേഷണത്തില് വ്യക്തമായതായി പോലീസ് പറഞ്ഞു. പ്രസവശേഷം വൈദ്യസഹായം ലഭിക്കാതെ രക്തം വാര്ന്നാണ് യുവതി മരിച്ചതെന്നാണ് പോസ്റ്റ്മോര്ട്ടം റിപ്പോര്ട്ടിലെ കണ്ടെത്തല്. കൃത്യമായ പരിചരണം ലഭിച്ചിരുന്നുവെങ്കില് മരണം സംഭവിക്കില്ലായിരുന്നുവെന്നും റിപ്പോര്ട്ടിലുണ്ട്. .
