രതീഷ് ബാലകൃഷ്ണന് പൊതുവാള് തിരക്കഥയെഴുതി സംവിധാനം ചെയ്ത് കുഞ്ചാക്കോ ബോബൻ നായകനാവുന്ന ചിത്രമാണ് ‘ന്നാ താന് കേസ് കൊട്’.ഈ ചിത്രത്തിന്റെ ഔദ്യോഗിക ട്രെയിലർതിരുവനന്തപുരം ലുലു മാളില് നടന്ന പ്രൗഢഗംഭീരമായ ചടങ്ങില് വന് ജനാവലിയെ സാക്ഷിയാക്കി കുഞ്ചാക്കോ ബോബനും ‘ന്നാ താന് കേസ് കൊട്’ ടീമും ചേര്ന്ന് നിര്വഹിച്ചു.
നിയമ പ്രശ്നങ്ങള് ചുറ്റിപ്പറ്റി കോടതിയില് ഒരു കള്ളനും മന്ത്രിയും തമ്മില് നടക്കുന്ന കോടതി വിചാരണയുടെ പശ്ചാത്തലത്തില് ആണ് ചിത്രത്തിന്റെ കഥ നടക്കുന്നത്. ആക്ഷേപഹാസ്യ ശൈലിയിലാണ് ചിത്രം ഒരുക്കിയിരിക്കുന്നത്. ഡോണ് വിന്സെന്റ് സംഗീത സംവിധാനം നിര്വഹിച്ച ചിത്രത്തിലെ രണ്ട് ഗാനങ്ങളും ഇതിനോടകം വളരെയധികം ജനശ്രദ്ധ നേടിയിരിക്കുകയാണ്.
എസ്.ടി.കെ. ഫ്രെയിംസിന്റെ ബാനറില് പ്രശസ്ത നിര്മ്മാതാവ് സന്തോഷ്. ടി. കുരുവിള നിര്മ്മാണവും കുഞ്ചാക്കോ ബോബന് പ്രൊഡക്ഷന്സ്, ഉദയ പിക്ചേഴ്സ് എന്നീ ബാനറുകളുടെ കീഴില് കുഞ്ചാക്കോ ബോബന് സഹനിര്മ്മാണവും നിര്വ്വഹിച്ച ചിത്രത്തിന്റെ മറ്റൊരു സഹനിര്മ്മാതാവ് ഷെറിന് റേച്ചല് സന്തോഷാണ്.
യേശുദാസ് – ഓ. എന്. വി. കുറുപ്പ് കൂട്ടുകെട്ടില് ഔസേപ്പച്ചന് സംഗീതം നല്കിയ നിത്യഹരിത ഗാനം ‘ദേവദൂതര് പാടി’യുടെ റീമിക്സ് പതിപ്പും ഗാനത്തിലെ കുഞ്ചാക്കോ ബോബന്റെ വേറിട്ട ഡാന്സും ചുരുങ്ങിയ ദിവസങ്ങള്ക്കുള്ളില് തന്നെ ഒരുകോടിയിലേറെ കാഴ്ചക്കാരുമായി സോഷ്യല് മീഡിയയില് തരംഗമായിരിക്കുകയാണ്. ബേസില് ജോസഫ്, ഉണ്ണിമായ എന്നിവരാണ് മറ്റ് പ്രധാന താരങ്ങള്. ‘സൂപ്പര് ഡീലക്സ്’, ‘വിക്രം’ എന്നീ ചിത്രങ്ങളിലൂടെ പ്രശസ്തയായ തമിഴ് നടി ഗായത്രി ശങ്കര് അഭിനയിക്കുന്ന അദ്യ മലയാള ചലച്ചിത്രം ആണ് ഇത്.
ഛായാഗ്രഹണം: രാകേഷ് ഹരിദാസ് (ഷേര്ണി ഫെയിം). എഡിറ്റിംങ്: മനോജ് കണ്ണോത്ത്. ഗാനരചന: വൈശാഖ് സുഗുണന്. സൗണ്ട് ഡിസൈനിങ്: ശ്രീജിത്ത് ശ്രീനിവാസന്. സൗണ്ട് മിക്സിംഗ്: വിപിന് നായര്. സ്റ്റില്സ്: ഷാലു പേയാട്. കലാസംവിധാനം: ജോതിഷ് ശങ്കര്. വസ്ത്രാലങ്കാരം: മെല്വി. മേക്കപ്പ്: ഹസ്സന് വണ്ടൂര്. പ്രൊഡക്ഷന് കണ്ട്രോളര്: ബെന്നി കട്ടപ്പന. പ്രൊഡക്ഷന് എക്സിക്യൂട്ടീവ്: ജംഷീര് പുറക്കാട്ടിരി. ഫിനാന്സ് കണ്ട്രോളര്: ജോബീഷ് ആന്റണി. കാസ്റ്റിംഗ് ഡയറക്ടര്: രാജേഷ് മാധവന്. ഫിനാന്സ് കണ്ട്രോളര്: ജോബീഷ് ആന്റണി. ചീഫ് അസോസിയേറ്റ് ഡയറക്ടര്: സുധീഷ് ഗോപിനാഥ്. ക്രിയേറ്റീവ് പ്രൊഡ്യൂസര്: അരുണ് സി തമ്ബി. പരസ്യകല: ഓള്ഡ് മങ്ക്സ്. പി.ആര്.ഒ: മഞ്ജു ഗോപിനാഥ്. മാര്ക്കറ്റിംഗ്: ഹെയിന്സ് എന്നിവർ നിർവ്വഹിക്കുന്നു.ചിത്രം ആഗസ്റ്റ് 11ന് തിയറ്ററുകളിലെത്തും.
