.മലപ്പുറം: വില്പനക്കായി സൂക്ഷിച്ച 20 ലക്ഷം രൂപ വിലമതിക്കുന്ന 416 ഗ്രാം എംഡിഎംഎയുമായി കായികാധ്യാപകൻ പിടിയിലായി . മലപ്പുറം കുട്ടിലങ്ങാടി കടുങ്ങോത്ത് സ്വദേശി ചേലോടന് മുജീബ് റഹ്മാനെ(32) ആണ് പോലീസ് അറസ്റ്റ് ചെയ്തത്. അങ്ങാടിപ്പുറം പുത്തനങ്ങാടിയില് എംഇഎസ് ഹോസ്പിറ്റലിന് സമീപം പ്രതി താമസിച്ചിരുന്ന ലോഡ്ജിൽ നടത്തിയ പരിശോധനയിലാണ് എംഡിഎംഎ കണ്ടെത്തിയത്.
നിരവധി സ്കൂളുകളിൽ ഇയാൾ കായികാധ്യാപകനായി ജോലി ചെയ്തിട്ടുണ്ട്.
ഡാന്സാഫ് എസ്ഐ ഷിജോ സി. തങ്കച്ചനും സംഘവുമാണ് പ്രതിയെ പിടികൂടിയത്. മലപ്പുറം ജില്ലയിലും പുറത്തുമായി നിരവധി സ്കൂളുകളിൽ ഇയാൾ കായികാധ്യാപകനായി ജോലി ചെയ്തിട്ടുണ്ട്. ഒരു വര്ഷം മുമ്പാണ് ഇയാൾ ലഹരിക്കടത്ത് തുടങ്ങിയതെന്നാണ് പോലീസിന് ലഭിച്ച വിവരം. ഡല്ഹി, ബംഗളൂരു എന്നിവിടങ്ങളില് നിന്നാണ് ഇയാൾ എംഡിഎംഎ, മെത്താ ഫിറ്റമിന് തുടങ്ങിയ സിന്തറ്റിക് ലഹരിമരുന്നുകള് വന്തോതില് എത്തിക്കുന്നത്
