തിരുവനന്തപുരം | സംസ്ഥാനത്ത് കനത്ത മഴ തുടരുന്നതിനിടെ അഞ്ച് ജില്ലകളിലെ വിവിധ വിദ്യാഭ്യാസ സ്ഥാപനങ്ങള്ക്ക് ഇന്ന് (ജൂലൈ 17 വ്യാഴം) അവധി പ്രഖ്യാപിച്ചു. കോഴിക്കോട്, കണ്ണൂര്, വയനാട്, തൃശ്ശൂര്, കാസര്കോട് എന്നീ ജില്ലകളിലാണ് അവധി പ്രഖ്യാപിച്ചത്..കാസര്കോട്, തൃശ്ശൂര്, വയനാട് ജില്ലകളില് പ്രഫഷണല് കോളേജുകള്ക്കും അവധി ബാധകമാണ്. കോഴിക്കോട് ജില്ലയില് ശക്തമായ മഴ മുന്നറിയിപ്പുള്ള സാഹചര്യത്തില് നാളെ സ്കൂളുകള്ക്ക് അവധിയാണ്. അങ്കണവാടികള്, മദ്രസകള്, ട്യൂഷന് സെന്ററുകള് തുടങ്ങിയവയ്ക്കും അവധി ബാധകമായിരിക്കും.
റസിഡന്ഷല് സ്കൂളുകള്, കോളേജുകള്ക്ക് അവധി ബാധകമല്ല.
മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ല. കേന്ദ്ര കാലാവസ്ഥ വകുപ്പ് വയനാട് ജില്ലയില് നാളെ ഓറഞ്ച് അലര്ട്ട് പ്രഖ്യാപിച്ചതിനാല് വിദ്യാഭ്യാസ സ്ഥാപനങ്ങള്ക്ക് ജില്ലാ കലക്ടര് ഡി ആര് മേഘശ്രീ അവധി പ്രഖ്യാപിച്ചു. പ്രഫഷണല് കോളജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്, അങ്കണവാടികള്, ട്യൂഷന് സെന്ററുകള്, മതപഠന ക്ലാസുകള്, സ്പെഷ്യല് ക്ലാസുകള്ക്ക് അവധി ബാധകമാണ്. പി എസ് സി പരീക്ഷകള്, റസിഡന്ഷല് സ്കൂളുകള്, കോളേജുകള്ക്ക് അവധി ബാധകമല്ല. .
