.ഡല്‍ഹി: പ്രധാനമന്ത്രി നരേന്ദ്രമോദി മൗറീഷ്യസിൽ പുതിയ പാർലമെന്റ് മന്ദിരം നിർമ്മിക്കാൻ ഇന്ത്യയുടെ സഹായം വാഗ്‌ദാനം ചെയ്തു. മൗറീഷ്യസ് പ്രധാനമന്ത്രി നവീൻചന്ദ്ര രാംഗൂലവുമായുള്ള കൂടിക്കാഴ്ചയ്ക്കുശേഷം, ഇരു രാജ്യങ്ങളും തമ്മിലുള്ള തന്ത്രപരമായ സഹകരണം കൂടുതൽ ഉയരത്തിലെത്തിക്കാൻ തീരുമാനിച്ചതായി മോദി അറിയിച്ചു. കൂടിക്കാഴ്ചയ്ക്കിടെ എട്ട് ധാരണാപത്രങ്ങളിൽ ഒപ്പിട്ടു.
500 ദശലക്ഷം മൗറീഷ്യൻ രൂപയുടെ കമ്മ്യൂണിറ്റി വികസന പദ്ധതികൾ ആരംഭിക്കും.
മൗറീഷ്യസ് തലസ്ഥാനമായ പോർട്ട് ലൂയിസിലാണ് പുതിയ പാർലമെന്റ് മന്ദിരം നിർമ്മിക്കാൻ ഇന്ത്യ സഹായം വാഗ്‌ദാനം ചെയ്തത്. കൂടാതെ, പ്രാദേശിക കറൻസിയിൽ വ്യാപാരം നടത്താനുള്ള കരാറിലും ഇരുരാജ്യങ്ങൾ തമ്മിൽ ധാരണയായി. മോദി പ്രഖ്യാപിച്ചതുപോലെ, 500 ദശലക്ഷം മൗറീഷ്യൻ രൂപയുടെ കമ്മ്യൂണിറ്റി വികസന പദ്ധതികൾ ആരംഭിക്കും.
പ്രതിരോധ സഹകരണവും സമുദ്ര സുരക്ഷയും
ഇരുരാജ്യങ്ങൾക്കുമിടയിലെ പ്രതിരോധ സഹകരണവും സമുദ്ര സുരക്ഷയും പ്രധാനമാണെന്ന് പ്രധാനമന്ത്രി മോദി വ്യക്തമാക്കി. മൗറീഷ്യസ് എക്സ്ക്ലൂസീവ് ഇക്കണോമിക് സോണിന് ഇന്ത്യൻ തീരദേശ സേനയുടെ സുരക്ഷ നൽകുമെന്ന ഉറപ്പും അദ്ദേഹം നൽകി. കൂടാതെ, മൗറീഷ്യസിൽ പൊലീസ് അക്കാഡമിയും നാഷണൽ മാരിടൈം ഇൻഫർമേഷൻ ഷെയറിംഗ് സെന്ററും സ്ഥാപിക്കാൻ ഇന്ത്യ സഹായിക്കും.
മറ്റു സഹായ പദ്ധതികൾ
100 കിലോമീറ്റർ നീളമുള്ള ജല പൈപ്പ്‌ലൈൻ നവീകരണം, 500 മൗറീഷ്യസ് സിവിൽ സർവീസുകാർക്ക് ഇന്ത്യയിൽ പരിശീലനം, വൈറ്റ് ഷിപ്പിംഗ്, ബ്ലൂ ഇക്കണോമി, ഹൈഡ്രോഗ്രാഫി എന്നിവയിൽ സഹകരണം, മൗറീഷ്യസുകാർക്ക് ഇന്ത്യയിലെ ചാർ ധാം യാത്രക്കും രാമായണ ടൂറിസത്തിനും സൗകര്യങ്ങൾ .
. മൗറീഷ്യസ് സിവിൽ സർവീസുകാർക്കുള്ള പരിശീലനത്തിനായി ഇന്ത്യയുടെ സഹകരണത്തോടെ സ്ഥാപിച്ച അടൽ ബിഹാരി വാജ്‌പേയി പബ്ലിക് സർവീസ് ഇൻസ്റ്റിറ്റ്യൂട്ട് പ്രധാനമന്ത്രി ഉദ്ഘാടനം ചെയ്തു, .ഹിന്ദു തീർത്ഥാടന കേന്ദ്രമായ ഗംഗാ തലാവോ സന്ദർശിച്ച മോദി, ത്രിവേണി സംഗമത്തിൽ നിന്ന് കൊണ്ടുവന്ന ജലം അവിടെ അർപ്പിച്ചു
