തിരുവനന്തപുരം: കേരള നിയമസഭയുടെ പതിനഞ്ചാം സമ്മേളനത്തിന് തുടക്കമായി. ഗവര്ണര് രാജേന്ദ്ര ആര്ലേക്കറുടെ നയപ്രഖ്യാപന പ്രസംഗത്തോടെയാണ് സമ്മേളനം ആരംഭിച്ചത്.നിയമസഭയിലെത്തിയ ഗവര്ണറെ ഗാര്ഡ് ഓഫ് ഓണര് നല്കിയാണ് സ്വീകരിച്ചത്.ഗവര്ണറായി ചുമതലയേറ്റശേഷമുള്ള ആര്ലേക്കറുടെ കേരളത്തിലെ ആദ്യ നയപ്രഖ്യാപനമാണ് നടന്നത്.
വികസന നേട്ടങ്ങൾ എണ്ണിപ്പറഞ്ഞ് ഗവർണർ
വികസന നേട്ടങ്ങളില് കേരളം മാതൃകയാണെന്ന് നയപ്രഖ്യാപന പ്രസംഗത്തില് ഗവര്ണര് പറഞ്ഞു. അടിസ്ഥാന സൗകര്യ വികസനത്തിന് സര്ക്കാര് മുന്ഗണന നല്കുന്നുണ്ടെന്നും ജനങ്ങള്ക്ക് നല്കിയ വാഗ്ദാനങ്ങള് പാലിച്ചുവരുന്നുവെന്നും ഗവര്ണര് പ്രസംഗത്തില് പറഞ്ഞു.കേന്ദ്ര സര്ക്കാര് ജിഎസ്ടി നഷ്ടപരിഹാരം നല്കാത്തതും ഗ്രാന്റുകള് കുറച്ചതും സംസ്ഥാനത്തെ സാമ്ബത്തിക ബുദ്ധിമുട്ടിലാക്കിയെന്നും ഗവര്ണര് പറഞ്ഞു
അതി ദരിദ്രരുടെ പ്രശ്നം പരിഹരിക്കാന് നടപടി തുടങ്ങി
സംസ്ഥാന സര്ക്കാര് നവകേരളം എന്ന ലക്ഷ്യത്തിലേക്ക് മുന്നേറുകയാണ്. ദാരിദ്ര നിര്മ്മാര്ജ്ജനത്തിനു മുന്ഗണന നല്കുന്നുണ്ട്. എല്ലാവര്ക്കും പാര്പ്പിടം ഉറപ്പാക്കാന് നടപടി പുരോഗമിക്കുകയാണെന്നും 64006 അതി ദരിദ്രരെ കണ്ടെത്തിയെന്നും അവരുടെ പ്രശ്നം പരിഹരിക്കാന് നടപടി തുടങ്ങിയെന്നും ഗവര്ണര് പറഞ്ഞു.
ആരോഗ്യ വിദ്യാഭ്യാസ മേഖലയില് വന് പുരോഗതി
ആരോഗ്യ വിദ്യാഭ്യാസ മേഖലയില് വന് പുരോഗതിയാണ് കേരളം കൈവരിച്ചിട്ടുള്ളത്. ഇന്റര്നെറ്റ് സാര്വത്രികമാക്കിയത് മുതല് ഡിജിറ്റല് സര്വെ നടപടികള് പൂര്ത്തിയാക്കിയതില് വരെ കേരളം നേട്ടത്തിന്റെ പാതയിലാണ്. കേന്ദ്രവുമായി ചേര്ന്ന് ദേശീയ പാത വികസനം സുഗമമായി പുരോഗമിക്കുകയാണ്. സാമൂഹ്യ സുരക്ഷ ഉറപ്പാക്കുന്നതില് മികവ് കാണിക്കുന്നുണ്ട്.സമീപ കാലത്തു നിരവധി ദുരന്തങ്ങള് നേരിട്ടത്. വയനാട്ടില് ഉരുള്പൊട്ടല് ദുരന്തവും ഉണ്ടായി. വയനാട് പുനരധിവാസത്തിന് സര്ക്കാര് പ്രതിജ്ഞാബദ്ധമാണ്. വയനാട് ടൗണ്ഷിപ്പ് ഒരു വര്ഷത്തിനകം നടപ്പാക്കും. കാലാവസ്ഥാ വ്യതിയാനത്തിന് കേന്ദ്രസഹകരണത്തോടെ പദ്ധതി നടപ്പാക്കുമെന്നും ഗവര്ണര് പറഞ്ഞു