തിരുവല്ല: മലങ്കര സുറിയാനി കത്തോലിക്കാ സഭയുടെ യുകെ റീജണിനു കീഴില്‍, ഗ്രേറ്റ് ബ്രിട്ടന്‍റെ സാംസ്‌കാരിക വിദ്യാഭ്യാസ സിരാകേന്ദ്രമായ കേംബ്രിഡ്ജ് കേന്ദ്രമാക്കി വിശുദ്ധ ജോണ്‍ ഹെൻറി ന്യൂമാന്‍റെ നാമത്തില്‍ മലങ്കര സുറിയാനി കത്തോലിക്കാ സഭാംഗങ്ങള്‍ക്കായി പുതിയ മിഷൻ രൂപീകരിച്ചു. മേജർ ആർച്ച്‌ ബിഷപ് കർദിനാള്‍ മാർ ബസേലിയോസ് ക്ലീമിസ് കാതോലിക്കാ ബാവ പുതിയ മിഷനെ അംഗീകരിച്ച്‌ ഡിക്രി പുറപ്പെടുവിച്ചു.
കുർബാന മധ്യേ മിഷൻ സ്ഥാപനം സംബന്ധിച്ച ഡിക്രി വായിച്ചു.
കേംബ്രിംഡ്ജിലെ ഔവർ ലേഡി ഓഫ് ലൂർദ്സ് റോമൻ കത്തോലിക്കാ പള്ളിയില്‍ ഇതു സംബന്ധിച്ച നാമകരണവും കുർബാനയും നടത്തി. യുകെ റീജണ്‍ കോ-ഓർഡിനേറ്റർ റവ. ഡോ. കുര്യാക്കോസ് തടത്തില്‍ പ്രഥമ വിശുദ്ധ കുർബാനയ്ക്ക് മുഖ്യ കാർമികത്വം വഹിച്ചു. മിഷൻ സ്ഥാപനം സംബന്ധിച്ച ഡിക്രി കുർബാന മധ്യേ വായിച്ചു.
23 മിഷനുകളാണ് മലങ്കര സുറിയാനി കത്തോലിക്കാ സഭയ്ക്ക് യുകെയില്‍ ഉള്ളത്.
തുടർന്ന് നടന്ന സമ്മേളനം കേംബ്രിഡ്ജ് മേയർ ബൈജു തിട്ടാല ഉദ്ഘാടനം ചെയ്തു.റോണി വർഗീസ് മുഖ്യപ്രഭാഷണം നടത്തി. റവ.ഡോ. കുര്യാക്കോസ് തടത്തില്‍, ഫാ. ആലുവിള, പ്രദീപ് മാത്യു തുടങ്ങിയവർ പ്രസംഗിച്ചു.കേംബ്രിഡ്ജ് ഉള്‍പ്പെടെ 23 മിഷനുകളാണ് മലങ്കര സുറിയാനി കത്തോലിക്കാ സഭയ്ക്ക് യുകെയില്‍ ഉള്ളത്.
