സന്തോഷ് ദേശ്മുഖ് വധക്കേസില്‍ പ്രതികളായ ആരെയും രക്ഷപ്പെടാൻ അനുവദിക്കില്ലെന്ന് മഹാരാഷ്‌ട്ര മുഖ്യമന്ത്രി ദേവേന്ദ്ര ഫഡ്‌നാവിസ്

മുംബൈ: ബീഡിലെ ഗ്രാമമുഖ്യൻ സന്തോഷ് ദേശ്മുഖ് വധക്കേസില്‍ പ്രതികളായ ആരെയും രക്ഷപ്പെടാൻ അനുവദിക്കില്ലെന്നും ഗുണ്ടാരാജ് വച്ചുപൊറുപ്പിക്കില്ലെന്നും മഹാരാഷ്‌ട്ര മുഖ്യമന്ത്രി ദേവേന്ദ്ര ഫഡ്‌നാവിസ്.ദേശ്മുഖിന്‍റെ സഹോദരനുമായി ഫോണില്‍ സംസാരിച്ചതായും കേസില്‍ നീതി ലഭിക്കുമെന്ന് ഉറപ്പുനല്‍കിയതായും കുറ്റവാളികളെ തൂക്കിലേറ്റുന്നത് വരെ പോലീസ് വിശ്രമിക്കില്ലെന്നും മുഖ്യമന്ത്രി മാധ്യമപ്രവർത്തകരോടു പറഞ്ഞു.

എല്ലാവരെയും നിയമത്തിനു മുന്പില്‍ കൊണ്ടുവരും

കേസില്‍ ഉള്‍പ്പെട്ട ആരെയും ഒഴിവാക്കില്ലെന്നും എല്ലാവരെയും നിയമത്തിനു മുന്പില്‍ കൊണ്ടുവരുമെന്നും നിയമം കൈയിലെടുക്കാൻ ആരെയും അനുവദിക്കില്ലെന്നും മുഖ്യമന്ത്രി കൂട്ടിച്ചേർത്തു. ബീഡ് ജില്ലയിലെ ഒരു കാറ്റാടി മില്‍ കമ്പനിയില്‍നിന്ന് പണം ആവശ്യപ്പെട്ട് ചിലർ പണം തട്ടിയെടുക്കാൻ ശ്രമിച്ചതിനെ എതിർത്തതിന്‍റെ പേരിലാണ് മസാജോഗ് ഗ്രാമത്തിലെ സർപഞ്ച് സന്തോഷ് ദേശ്മുഖിനെ തട്ടിക്കൊണ്ടുപോയി ക്രൂരമായി കൊലപ്പെടുത്തിയത്.

Share
ssoolapani75@gmail.com'

About ന്യൂസ് ഡെസ്ക്

View all posts by ന്യൂസ് ഡെസ്ക് →