മെഹ്സാന (ഗുജറാത്ത്) : ഗുജറാത്തിലെ മെഹ്സാനയില് സ്റ്റീല് ഫാക്ടറിയുടെ നിര്മ്മാണത്തിനിടെ ഉണ്ടായ മണ്ണിടിച്ചിലില് രണ്ട് സ്ത്രീകള് ഉള്പ്പെടെ 9 തൊഴിലാളികള് കൊല്ലപ്പെടുകയും ഒരാള്ക്ക് പരിക്കേല്ക്കുകയും ചെയ്തു. ഒക്ടോബർ 12 ശനിയാഴ്ചയാണ് സംഭവം. തൊഴിലാളികള് സൈറ്റില് ടാങ്കിനായി 16 അടി കുഴി എടുക്കുമ്പോഴായിരുന്നു അപകടം എന്ന് കാഡി പൊലിസ് സ്റ്റേഷന് ഇന്സ്പെക്ടര് പ്രഹ്ലാദ് സിംഗ് വഗേല പറഞ്ഞു.
മരിച്ചവരില് 3 പേര് രാജസ്ഥാന് സ്വദേശികളും മറ്റുള്ളവര് ദാഹോഡ് സ്വദേശികളുമാണ്.
അഗ്നിശമന സേനയും പൊലീസും തൊഴിലാളികളും ഉള്പ്പെട്ട സംഘം രണ്ട് മണിക്കൂറോളം സ്ഥലത്ത് രക്ഷാപ്രവര്ത്തനം നടത്തി. മണ്കൂമ്പാരത്തില് നിന്ന് ഒരാളെ രക്ഷപ്പെടുത്തുകയും 9 മൃതദേഹങ്ങള് കണ്ടെത്തുകയും ചെയ്തു.മരിച്ചവരില് 3 പേര് രാജസ്ഥാന് സ്വദേശികളും മറ്റുള്ളവര് ദാഹോഡ് സ്വദേശികളുമാണ്. 20 നും 30നും ഇടയില് പ്രായമുള്ളവരാണ് ഇവരെന്നും വഗേല പറഞ്ഞു.വളരെ ദുഃഖകരമായ സംഭവമെന്ന് പ്രധാനമന്ത്രിയെ ഉദ്ധരിച്ച് അദ്ദേഹത്തിന്റെ ഓഫീസ് എക്സിലൂടെ അറിയിച്ചു.
