കോഴിക്കോട്: ഷിരൂർ മണ്ണിടിച്ചിലിനെ തുടർന്ന് കാണാതായ അർജുനെ കണ്ടെത്താൻ ഗംഗാവലി പുഴയുടെ തീരത്ത് 72 നാൾ നീണ്ട രക്ഷാദൗത്യത്തിന് നേതൃത്വം നൽകിയത് കാർവാർ എം.എൽ.എ..സതീശ്കൃഷ്ണ സെയിൽ . കണ്ണാടിക്കലിലെ വീടുവരെ അർജുന്റെ ചേതനയറ്റ മൃതദേഹത്തെ അദ്ദേഹം അനുഗമിച്ചു. കർണാടകയിലെ ജനങ്ങൾക്ക് നൽകുന്ന അതേ പിന്തുണയും സ്നേഹവും അർജുന് തങ്ങൾ നൽകിയെന്നും അദ്ദേഹം പറഞ്ഞു. അർജുൻ മകനുവേണ്ടി സൂക്ഷിച്ചിരുന്ന കളിപ്പാട്ടം കാണുമ്പോൾ തനിക്ക് വേദന തോന്നുന്നുവെന്ന് എം.എൽ.എ. മാധ്യമങ്ങളോട് പറഞ്ഞു.
രക്ഷാദൗത്യത്തിൽ കേരളത്തിലെ ജനപ്രതിനിധികൾ വളരെയധികം സഹായിച്ചു.
കേരളത്തിലെ ജനപ്രതിനിധികൾ വളരെയധികം സഹായിച്ചു. രക്ഷാദൗത്യത്തിനിടെ കെ.സി. വേണുഗോപാൽ നിരവധി തവണ വിളിച്ചിരുന്നു. കഴിഞ്ഞ ദിവസവും അദ്ദേഹം വിളിച്ചു. രക്തസാമ്ബിളുകൾ എടുത്ത് വെക്കാൻ വേണുഗോപാൽ നേരത്തെ ആവശ്യപ്പെട്ടിരുന്നു. ഡി.എൻ.എ. ടെസ്റ്റിന് മുമ്പ് തന്നെ അർജുന്റെ സഹോദരന്റെ രക്തം ശേഖരിച്ച്‌ വച്ചിരുന്നു’- സതീശ് കൃഷ്ണ സെയിൽ പറഞ്ഞു.
കഴിയുന്ന രീതിയിലെല്ലാം പരിശ്രമിച്ചെങ്കിലും അർജുനെ ജീവനോടെ രക്ഷിക്കാനായില്ല.
ആദ്യദിവസം മുതൽ അർജുനെ ലഭിക്കുമെന്ന് ഉറപ്പുണ്ടായിരുന്നു. അന്ന് മുതൽ ആവശ്യമായ സാങ്കേതിക ഉപകരണങ്ങളെല്ലാം ഉപയോഗിച്ച്‌ പരിശോധനകൾ നടത്തി. പിന്നീടാണ്, ഡ്രഡ്ജർ എത്തിക്കാൻ ആവശ്യപ്പെട്ടത്‌. ഗോവയിൽനിന്ന്‌ ഡ്രെഡ്ജറും എത്തിച്ചു. കഴിയുന്ന രീതിയിലെല്ലാം പരിശ്രമിച്ചെങ്കിലും അർജുനെ ജീവനോടെ രക്ഷിക്കാനായില്ല. എല്ലാത്തിനും ഒപ്പം നിന്ന മാധ്യമങ്ങൾക്ക് നന്ദി. അപകടസ്ഥലത്ത് നിന്നും അവർ ഒരിക്കലും പിന്തിരിഞ്ഞ് പോയില്ല. രക്ഷാദൗത്യത്തിൽ വലിയ പങ്കുവഹിക്കാൻ മാധ്യമങ്ങൾക്ക്.സാധിച്ചു.ഈശ്വർ മാൽപെയും മികച്ചരീതിയിൽ ശ്രമിച്ചെന്നും അദ്ദേഹം കൂട്ടിച്ചേർത്തു.
