സംസ്ഥാനത്ത് കുട്ടികൾക്കിടയിൽ അഞ്ചാംപനി പടരുന്നതായി റിപ്പോർട്ട്

തിരുവനന്തപുരം : സംസ്ഥാനത്ത് ആശങ്കയായി അഞ്ചാംപനി. കുട്ടികൾക്കിടയിൽ രോഗം പടരുന്നതായി റിപ്പോർട്ട്. ഒരാഴ്ചക്കിടെ മലപ്പുറത്ത് രണ്ടു കുട്ടികൾ അഞ്ചാംപനി ബാധിച്ച് മരിച്ചു. 2023 ൽ ഇതുവരെ നാല് അഞ്ചാംപനി മരണങ്ങളാണ് റിപ്പോർട്ട് ചെയ്തിട്ടുളളത്. 2362 കുട്ടികൾക്ക് രോഗം ബാധിച്ചു. 1702 കുട്ടികൾ സമാന ലക്ഷണങ്ങളുമായും 660 പേർ രോഗം സ്ഥിരീകരിച്ചും ചികിത്സ തേടി. മലപ്പുറത്ത് മരിച്ച രണ്ടു കുട്ടികളും പ്രതിരോധ വാക്‌സിൻ എടുത്തിരുന്നില്ലെന്ന് ആരോഗ്യവകുപ്പ് വ്യക്തമാക്കി.

അതേസമയം പ്ര​തി​രോ​ധ കു​ത്തി​വെ​പ്പ് ല​ക്ഷ്യം നേ​ടാ​ൻ ​ ‘മി​ഷ​ൻ ഇ​ന്ദ്ര​ധ​നു​ഷ് 5.0’ യ​ജ്ഞം ആ​രം​ഭി​ക്കാ​നും ആരോഗ്യവകുപ്പ് തീ​രു​മാ​നി​ച്ചി​ട്ടു​ണ്ട്. 2023 ആ​ഗ​സ്റ്റ് ഏ​ഴു​മു​ത​ൽ 12 വ​രെ ആ​ദ്യ​ഘ​ട്ട​വും സെ​പ്റ്റം​ബ​ർ 11 മു​ത​ൽ 16 വ​രെ ര​ണ്ടാം​ഘ​ട്ട​വും ഒ​ക്ടോ​ബ​ർ ഒ​മ്പ​തു​ മു​ത​ൽ 14 വ​രെ മൂ​ന്നാം​ഘ​ട്ട​വും ന​ട​ക്കും. വാ​ക്സി​നേ​ഷ​ൻ ക​ണ​ക്കി​ൽ പി​റ​കി​ൽ നി​ൽ​ക്കു​ന്ന ജി​ല്ല​ക​ൾ​ക്ക് പ്ര​ത്യേ​ക ഊ​ന്ന​ൽ ന​ൽ​കി​യാ​ണ്‌ പ​ദ്ധ​തി ന​ട​പ്പാ​ക്കു​ന്നത്.