വീണ്ടും ട്രെയിന്‍ ആക്രമണം: അറിയാം മുന്‍കാല ട്രെയിന്‍ ആക്രമണങ്ങള്‍

കേരളത്തില്‍ വീണ്ടും ട്രെയിന്‍ ആക്രമണം ഉണ്ടായിരിക്കുകയാണ്. ആളപായമില്ലെങ്കിലും ഗൗരവകരമായ വിഷയമാണിതെന്നാണ് മുന്‍കാല സംഭവങ്ങളും വ്യക്തമാക്കുന്നത്. മുന്‍ വര്‍ഷങ്ങളില്‍ രാജ്യത്തുണ്ടായ ട്രെയിന്‍ ആക്രമണങ്ങളെ കുറിച്ച് അറിയാം.

ഡിസംബര്‍ 24, 2008-അസാമിലെ കര്‍ബി ആംഗ്ലോങ് ജില്ലയില്‍ ഭോകജാന് സമീപം റെയില്‍വേ ട്രാക്കില്‍ ബോംബ് പൊട്ടിത്തെറിച്ചു.

ഡിസംബര്‍ 1, 2008-അസമിലെ കര്‍ബി ആംഗ്ലോങ് ജില്ലയിലെ ദിഫു റെയില്‍വേ സ്റ്റേഷനില്‍ പാസഞ്ചര്‍ ട്രെയിനില്‍ കെഎല്‍എന്‍എല്‍എഫ് നടത്തിയ ബോംബ് സ്ഫോടനത്തില്‍ 3 മരണം. 30 പേര്‍ക്ക് പരിക്കേറ്റു.

മെയ് 12, 2008-അസമിലെ നോര്‍ത്ത് കച്ചാര്‍ ഹില്‍സ് ജില്ലയില്‍ ഹഫ്‌ലോങ് പോലീസ് സ്റ്റേഷന്‍ പരിധിയില്‍ റെയില്‍വേ തൊഴിലാളികള്‍ക്ക് നേരേ തീവ്രവാദികള്‍ നടത്തിയ ആക്രമണത്തില്‍ 2 പേര്‍ കൊല്ലപ്പെട്ടു. ഒരാള്‍ക്ക് പരിക്കേറ്റു

ഏപ്രില്‍ 26, 2008- ത്രിപുരയിലെ മുംഗിയകാമി പോലീസ് സ്റ്റേഷന് കീഴിലുള്ള അത്രോമുര റെയില്‍വേ ടണല്‍ പ്രദേശത്ത് 15 എന്‍എല്‍എഫ്ടി തീവ്രവാദികള്‍ ഒരു റെയില്‍വേ തൊഴിലാളിയെ കൊലപ്പെടുത്തുകയും എഞ്ചിനീയറെ തട്ടിക്കൊണ്ടുപോകുകയും ചെയ്തു.

മാര്‍ച്ച് 24, 2008- അസമിലെ കച്ചാര്‍ ഹില്‍സ് ജില്ലയിലെ ഹരംഗജാവോ റെയില്‍വേ സ്റ്റേഷനില്‍ തീവ്രവാദികള്‍ ആക്രമണത്തില്‍ മൂന്ന് മരണം, രണ്ട് പേര്‍ക്ക് പരിക്കേറ്റു.
മാര്‍ച്ച് 12, 2008-അസമിലെ ഉദല്‍ഗുരി ജില്ലയിലെ ഉദല്‍ഗുരി റെയില്‍വേ സ്റ്റേഷനില്‍ സ്‌ഫോടനം, ആളപായമില്ല.

ജനുവരി 12, 2008-അസമിലെ ദിബ്രുഗഢ് ജില്ലയിലെ റോങ്സാലില്‍ റെയില്‍വേ ജീവനക്കാര്‍ക്ക് നേരെ ഉള്‍ഫ തീവ്രവാദികള്‍ ഗ്രനേഡ് എറിഞ്ഞു. 4 പേര്‍ക്ക് പരിക്കേറ്റു.

ഡിസംബര്‍ 18, 2007-അസമിലെ നോര്‍ത്ത് കച്ചാര്‍ ഹില്‍ ജില്ലയിലെ ഫിഡിംഗ് റെയില്‍വേ സ്റ്റേഷനിലെ ക്യാമ്പിന് നേരെ സായുധ തീവ്രവാദികള്‍ നടത്തിയ ആക്രമണത്തില്‍ 2 പേര്‍ കൊല്ലപ്പെട്ടു. 5 പേര്‍ക്ക് പരിക്കേറ്റു.

ഡിസംബര്‍ 13, 2007-അസമിലെ ഗോലാഘട്ട് ജില്ലയില്‍ ഡല്‍ഹിയി രാജധാനി എക്‌സ്പ്രസ് ട്രെയിനില്‍ തീവ്രവാദികള്‍ എന്ന് സംശയിക്കുന്നവര്‍ ബോംബ് സ്‌ഫോടനം നടത്തി. മരണം 5, പരിക്കേറ്റത് 4 പേര്‍ക്ക്.

ജൂലൈ 19, 2007-അസമിലെ ഉദല്‍ഗുരി റെയില്‍വേ സ്റ്റേഷന് സമീപം ബോംബ് പൊട്ടിത്തെറിച്ച് ഒരാള്‍ക്ക് പരിക്കേറ്റു.

മാര്‍ച്ച് 15, 2007- അസമിലെ ജോര്‍ഹട്ട് ജില്ലയില്‍ റെയില്‍വേ ക്രോസിന് സമീപത്തെ പവര്‍ ട്രാന്‍സ്ഫോര്‍മറില്‍ ഉള്‍ഫ തീവ്രവാദികള്‍ സ്ഥാപിച്ച ബോംബ് പൊട്ടിത്തെറിച്ചു.

ഫെബ്രുവരി 18, 2007-ലാഹോറിലേക്കുള്ള ഡല്‍ഹി-അടാരി സ്‌പെഷ്യല്‍ ട്രെയിനായ സംഝോത എക്‌സ്പ്രസിന്റെ രണ്ട് കോച്ചുകള്‍ ഹരിയാനയിലെ പാനിപ്പത്തിന് സമീപം വച്ച് പൊട്ടിത്തെറിച്ച് 67 പേര്‍ മരിച്ചു, 50 പേര്‍ക്ക് പരിക്കേറ്റു.

ഫെബ്രുവരി 9, 2007-അസമിലെ ഗുവാഹത്തിയിലെ കാമാഖ്യ റെയില്‍വേ സ്റ്റേഷനില്‍ സ്‌ഫോടനം, ആളപായമില്ല.

ജനുവരി 22, 2007-അസമിലെ കര്‍ബി ആംഗ്ലോങ്ങില്‍ ദിഫു, നൈലാലോങ് റെയില്‍വേ സ്റ്റേഷനുകള്‍ക്കിടയിലുള്ള റെയില്‍വേ ട്രാക്കില്‍ സ്ഫോടനം, ആളപായമില്ല.

ജനുവരി 21, 2007 -അസമിലെ ബോംഗൈഗാവില്‍ റെയില്‍വേ സ്റ്റേഷനില്‍ സ്‌ഫോടനത്തില്‍ 5 പേര്‍ക്ക് പരിക്കേറ്റു.

ജനുവരി 6, 2007- കര്‍ബി ആംഗ്ലോങ്ങിലെ ബിതിലാങ്‌സോ ഗ്രാമത്തിന് സമീപമുള്ള റെയില്‍വേ പാലത്തില്‍ സ്‌ഫോടനമുണ്ടായി.

ഡിസംബര്‍ 5, 2006- കര്‍ബി ആംഗ്ലോങ്ങിലെ ദല്‍ദാലിക്കും ദിഫു റെയില്‍വേ സ്റ്റേഷനും ഇടയിലുള്ള ബ്രോഡ് ഗേജ് റെയില്‍വേ ട്രാക്കില്‍ സ്ഫോടനം.

നവംബര്‍ 20, 2006-പശ്ചിമ ബംഗാളിലെ ജല്‍പായ്ഗുരി ജില്ലയിലെ ബെലാകോബ സ്റ്റേഷനില്‍ ഹാല്‍ദിബാരി-സിലിഗുരി പാസഞ്ചര്‍ ട്രെയിനിന്റെ കമ്പാര്‍ട്ടുമെന്റിലുണ്ടായ സ്‌ഫോടനത്തില്‍ 10 മരണം, 50 പേര്‍ക്ക് പരിക്കേറ്റു.

ജൂലൈ 11, 2006-മുംബൈ നഗരത്തിലുടനീളമുള്ള ലോക്കല്‍ ട്രെയിനുകളില്‍ ഏഴ് സ്ഥലങ്ങളിലായി ഏഴ് ബോംബ് സ്ഫോടനങ്ങള്‍. 228 മരണം, 890 പേര്‍ക്ക് പരിക്കേറ്റു.

മാര്‍ച്ച് 7, 2006- ഉത്തര്‍പ്രദേശിലെ വാരണാസിയിലെ കന്റോണ്‍മെന്റ് റെയില്‍വേ സ്റ്റേഷനില്‍ സ്‌ഫോടനത്തില്‍ 6 മരണം.

ഫെബ്രുവരി 19, 2006- ഗുജറാത്തിലെ അഹമ്മദാബാദിലെ കല്‍പൂര്‍ റെയില്‍വേ സ്റ്റേഷന്റെ രണ്ടാം പ്ലാറ്റ്‌ഫോമിലുണ്ടായ സ്‌ഫോടനത്തില്‍ 25 പേര്‍ക്ക് പരിക്കേറ്റു.

ഓഗസ്റ്റ് 10, 2005- അസമിലെ നല്‍ബാരിയില്‍ തിഹു റെയില്‍വേ സ്റ്റേഷന് സമീപമുള്ള റെയില്‍വേ ട്രാക്കില്‍ സ്ഫോടനം.

ഓഗസ്റ്റ് 10, 2005- അസമിലെ ഗുവാഹത്തിക്ക് സമീപം ബുണ്ടയ്ക്കും സപദേംഗയ്ക്കും ഇടയിലുള്ള റെയില്‍വേ ട്രാക്കില്‍ സ്ഫോടനം.

ജൂലൈ 28, 2005- ഉത്തര്‍പ്രദേശിലെ ജൗന്‍പൂരില്‍ ഹരിഹര്‍പൂര്‍ റെയില്‍വേ ക്രോസിനു സമീപം ശ്രംജീവി എക്‌സ്പ്രസിന്റെ ജനറല്‍ കമ്പാര്‍ട്ടുമെന്റില്‍ സ്‌ഫോടനത്തില്‍ 9 മരണം, 50 പേര്‍ക്ക് പരിക്കേറ്റു.

2005 മെയ് 20- അസമിലെ കൊക്രജാര്‍ ജില്ലയിലെ ഗോസൈഗാവിനു സമീപം റെയില്‍വേ ട്രാക്കില്‍ സ്‌ഫോടനം, 2 പേര്‍ക്ക് പരിക്കേറ്റു.

ജനുവരി 2, 2004-ജമ്മു റെയില്‍വേ സ്റ്റേഷനില്‍ ചാവേര്‍ ആക്രമണത്തില്‍ 6 മരണം, 15 പേര്‍ക്ക് പരിക്കേറ്റു.

ജൂണ്‍ 19, 2004-അസമിലെ ടിന്‍സുകിയ ജില്ലയിലെ ഉല്‍താപൂര്‍ റെയില്‍വേ സ്റ്റേഷനിലുണ്ടായ സ്‌ഫോടനത്തില്‍ ഒരാള്‍ കൊല്ലപ്പെട്ടു.

ഒക്ടോബര്‍ 26, 2003- ജമ്മു കശ്മീരിലെ സാംബയില്‍ റെയില്‍വേ ട്രാക്കില്‍ സ്ഫോടനം.

മാര്‍ച്ച് 13, 2003- മുംബൈയിലെ മുലന്ദ് റെയില്‍വേ സ്റ്റേഷനിലുണ്ടായ സ്‌ഫോടനത്തില്‍ കൊല്ലപ്പെട്ടത് 11 പേരാണ്. 80 യാത്രികര്‍ക്ക് പരിക്കേറ്റു.

ഡിസംബര്‍ 6, 2002- മുംബൈ സെന്‍ട്രല്‍ റെയില്‍വേ സ്റ്റേഷന്‍ സ്‌ഫോടനത്തില്‍ 25 പേര്‍ക്ക് പരിക്കേറ്റു.

25 ഓഗസ്റ്റ് 7, 2001-ജമ്മു റെയില്‍വേ സ്റ്റേഷനില്‍ സ്‌ഫോടനത്തില്‍ 12 മരണം റിപ്പോര്‍ട്ട് ചെയ്തു, പരിക്കേറ്റവര്‍ 29.

ഫെബ്രുവരി 10, 2000- ജമ്മു കശ്മീരിലെ സത്വാളില്‍ ഷാലിമാര്‍ എക്‌സ്പ്രസില്‍ ബോംബ് സ്‌ഫോടനത്തില്‍ 5 മരണം.

ജൂണ്‍ 22, 1999-പശ്ചിമ ബംഗാളിലെ ന്യൂ ജയ്പൈഗുരി റെയില്‍വേ സ്റ്റേഷന്‍ സ്ഫോടനത്തില്‍ 9 മരണം, 85 പേര്‍ക്ക് പരിക്കേറ്റു.

ഏപ്രില്‍ 16, 1999- ന്യൂഡല്‍ഹിയിലെ ഹോലംബി കലാന്‍ റെയില്‍വേ സ്റ്റേഷന്‍ സ്ഫോടനം-20 മരണം.

ജൂലൈ 8, 1997-പഞ്ചാബിലെ ഭട്ടിന്‍ഡയിലെ ലെഹ്‌റ ഖാന റെയില്‍വേ സ്റ്റേഷനില്‍ സ്‌ഫോടനം,33 മരണം.

ഡിസംബര്‍ 6, 1997- ചെന്നൈ പാണ്ഡ്യന്‍ എക്‌സ്പ്രസ് (തിരുച്ചി), ചേരന്‍ എക്‌സ്പ്രസ് (ഈറോഡ്), ആലപ്പി എക്‌സ്പ്രസ് (തൃശൂര്‍) എന്നിവിടങ്ങളിലെ മൂന്ന് ട്രെയിനുകളില്‍ ഐഇഡി സ്‌ഫോടനത്തില്‍ 10 മരണം, 150 പേര്‍ക്ക് പരിക്കേറ്റു.

ഡിസംബര്‍ 30, 1996- അസമിലെ കൊക്രജാര്‍, ഫക്കീര്‍ഗ്രാം സ്റ്റേഷനുകള്‍ക്കിടയില്‍ വച്ച് ബ്രഹ്മപുത്ര മെയിലിലുണ്ടായ സ്‌ഫോടനത്തില്‍ കൊല്ലപ്പെട്ടത് 33 പേര്‍.

ഭരണഘടനയിലെ അനുഛേദം 21, ഓരോ വ്യക്തിയുടെയും ജീവിക്കാനുള്ള അവകാശം സംരക്ഷിക്കാന്‍ ഭരണകൂടത്തെ ചുമതലപ്പെടുത്തുന്നതാണ്. ആ ബാധ്യത നിര്‍വഹിക്കപ്പെടുന്നില്ലെന്നതാണ് മുകളിലെ നീണ്ട പട്ടിക നമുക്ക് കാട്ടിത്തരുന്നത്.

Share
അഭിപ്രായം എഴുതാം