ദോഹ: ഖത്തറിൽ ട്രെയിലർ ഓടിക്കുന്നതിനിടെ ഹൃദയസ്തംഭനം ഉണ്ടായ പ്രവാസി മലയാളി യുവാവ് മരിച്ചു. പറവൂർ, പൂയപ്പിള്ളി പള്ളിത്തറ ജിതിൻ (ജിത്തു – 34) ആണ് മരിച്ചത്. വാഹനം ഓടിക്കുന്നതിനിടെ സിഗ്നലിൽ നിർത്തിയെങ്കിലും പിന്നീട് മുന്നോട്ട് നീങ്ങിയില്ല. പിന്നിലെ വാഹനങ്ങളിൽ ഉള്ളവർ നോക്കിയപ്പോൾ സ്റ്റിയറിങിന് മുകളിലേക്ക് കുഴഞ്ഞുവീണ നിലയിലായിരുന്നു.
ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ബാബു – ജയന്തി ദമ്പതികളുടെ മകനാണ്. സഹോദരങ്ങൾ – ജീമോൾ മുരുകൻ, ജിബി ഷിബു
