ബെയ്ജിങ്: ഷാങ്ഹായി-ലെ മുന് കമ്മ്യൂണിസ്റ്റ് പാര്ട്ടി നേതാവും പ്രസിഡന്റ് ഷി ചിന്പിങ്ങിന്റെ വിശ്വസ്തനുമായ ലി ക്വിയാങ്ങി(63)നെ ചൈനയുടെ പുതിയ പ്രധാനമന്ത്രിയായി തെരഞ്ഞെടുത്തു. വിരമിക്കുന്ന ലീ കെചിയാങിന് പകരമായിട്ടാണ് ഷീയുടെ വിശ്വസ്തന് പ്രധാനമന്ത്രി പദത്തിലെത്തുന്നത്. ലി ക്വിയാങ് പ്രായോഗികവാദിയായാണ് അറിയപ്പെടുന്നത്. ചൈനയുടെ പ്രതിസന്ധിയിലായ സമ്പദ്വ്യവസ്ഥയെ പുനരുജ്ജീവിപ്പിക്കാനുള്ള ചുമതല അദ്ദേഹത്തിനാണ്. പുതിയ മന്ത്രിസ്ഥാനങ്ങള് ഞായറാഴ്ച പ്രഖ്യാപിക്കുമെന്നാണു കരുതുന്നത്.
ഇപ്പോള് ചൈനയിലെ രാഷ്ട്രീയ സംവിധാനത്തിലെ ഏറ്റവും ഉയര്ന്ന റാങ്കിലുള്ള രണ്ടാമത്തെ ഉദ്യോഗസ്ഥനായ ലിക്ക് ആകെ 2,936 വോട്ടുകള് ലഭിച്ചു, അദ്ദേഹത്തിനെതിരേ വെറും മൂന്ന് പ്രതിനിധികള് വോട്ട് ചെയ്യുകയും എട്ട് പേര് വിട്ടുനില്ക്കുകയും ചെയ്തു.
