ഇടുക്കി : ഇടുക്കിയിലെ ഭൂപ്രകൃതിക്ക് അനുയോജ്യമായ ഇലക്ട്രിക്ക് റിക്ഷ രൂപകൽപ്പന ചെയ്ത് എഞ്ചിനീയറിംഗ് കോളജ് വിദ്യാർത്ഥികൾ. സോളാർ ഉപയോഗിച്ച് ഓടുന്ന സെൽഫ് ചാർജിംഗ് ഇലക്ട്രിക്ക് റിക്ഷയാണ് കുട്ടിക്കാനം മാർ ബെസേലിയോസ് എഞ്ചിനീയറിംഗ് കോളേജിലെ ഒരുകൂട്ടം ഇലക്ട്രിക്കൽ വിദ്യാർത്ഥികൾ രൂപകൽപ്പന ചെയതത്. പീരുമേട് എഞ്ചിനീയറിംഗ് കോളേജിൽ നടക്കുന്ന ശാസ്ത്ര കോൺഗ്രസിന്റെ എക്സിബിഷൻ ഹാളിൽ പ്രദർശിപ്പിച്ചിരിക്കുന്ന റിക്ഷ ഏതുമലമുകളിലും ഓടിയെത്താൻ കഴിയുന്നതുമാണ്.
ഫ്രൊസർമാരായ ആർ.ഗിരീഷിന്റെയും വെൺമ പ്രഭാഷിന്റെയും മേൽനോട്ടത്തിൽ പോൾ ഷെയ്സ്, അലൻ കെ.ജോസ്, ഡെൽവിൻ ഷിബു,ജിന്റോ കെ.അജി എന്നിവരാണ് സൗരോർജ റിക്ഷ നിർമിച്ചിരിക്കുന്നത്. വ്യവസായ അടിസ്ഥാനത്തിൽ നിർമിക്കുമ്പോൾ രണ്ടുലക്ഷം രൂപയ്ക്ക് വിപണിയിൽ ഇറക്കാൻ കഴിയുമെന്നാണ് പ്രതീക്ഷ. ഡ്രൈവർ ഉൾപ്പടെ 5 പേർക്ക് യാത്ര ചെയ്യാവുന്ന തരത്തിലാണ് ഇലക്ട്രിക്ക് റിക്ഷ തയാറാക്കിയിട്ടുളളത്.
വണ്ടിയുടെ റൂഫിൽ സോളാർ പാനൽ ഉപയോഗിച്ച് ചാർജിംഗ് മെക്കാനിസം സ്ഥാപിച്ചിട്ടുണ്ട്. ഇതുമൂലം പകൽസമയം വണ്ടിയുടെ ബാറ്ററി സ്വയം ചാർജ് ചെയ്യാൻ കഴിയും. വണ്ടിയുടെ ഡിഫൻഷ്യൽ ഷാഫ്റ്റിന്റെ റൊട്ടേഷൻ ആൾട്ടർനേറ്റർ ഉപയോഗിച്ച് കറണ്ട് ചാർജാക്കി ബാറ്ററി ചാർജ് ചെയ്യാനുളള സാങ്കേതിക വിദ്യ ഇതിൽ നൽകിയിട്ടുണ്ട്. ഒപ്പം ഫാസ്റ്റ് ചാർജിംഗ് സംവിധാനം പ്ലഗ് ഇൻസംവിധാനം വഴി നിർമിച്ചിട്ടുണ്ട്. വണ്ടി ഓടുമ്പോൾ സ്വയം ചാർജാവുകയും വീടുകളിലെത്തിയാൽ കുത്തിയിട്ട് ചാർജ് ചെയ്യാനും കഴിയുന്ന റിക്ഷ ചെലവുകുറഞ്ഞതും അന്തരീക്ഷ മലിനീകരണം ഇല്ലാത്തതുമാണ്,
