നായാട്ടിനു ശേഷം മാര്ട്ടിന് പ്രക്കാട്ട് – ജോജു ജോര്ജ്, സിജോ വടക്കന് എന്നിവര് നിര്മ്മിക്കുന്ന ആക്ഷനും സസ്പെന്സും നിറഞ്ഞ ചിത്രം ഇരട്ടയുടെ ട്രെയിലർ റിലീസായി. കരിയറിലെ തന്നെ ആദ്യ ഇരട്ട വേഷത്തില് ജോജു ജോര്ജ് എത്തുന്ന ചിത്രം കൂടിയാണ് ഇരട്ട. ജോജു ജോർജ്ജ് എന്ന നടന്റെ അഭിനയ ജീവിതത്തിലെ നാഴികകല്ലാകും എന്നതില് സംശയമില്ല.
ഇരട്ട സഹോദരങ്ങളായ രണ്ടു പോലീസ് ഉദ്യോഗസ്ഥരുടെ ജീവിതം പറയുന്ന ചിത്രം, തികച്ചും വ്യത്യസ്തരായ ഈ രണ്ടു മനുഷ്യര്ക്കിടയില് ഉള്ള പകയുടെ കൂടെ കഥയാണ് പറയുന്നത് എന്നാണ് ട്രെയ്ലര് നല്കുന്ന സൂചന. ഈ ഇരട്ടകള്ക്കിയില് അവിചാരിതമായി ഉണ്ടാകുന്ന ചില സംഭവ വികാസങ്ങള് ചിത്രത്തെ കൂടുതല് ആകാംഷനിറഞ്ഞതാക്കുന്നു. ജോജുവിനോടൊപ്പം അഞ്ജലി അവതരിപ്പിക്കുന്ന നായികാ കഥാപാത്രവും പ്രതീക്ഷ നല്കുന്നതാണ്. ആക്ഷനും സസ്പെന്സും നിറഞ്ഞ ചിത്രം തികച്ചും വ്യത്യസ്തമായ അനുഭവം തന്നെയാകും നല്കുക എന്നാണ് പ്രേക്ഷകരുടെ പ്രതീക്ഷ.
അഞ്ജലി, സ്രിന്ധ, ആര്യാ സലിം, ശ്രീകാന്ത് മുരളി, സാബുമോന്, അഭിരാം എന്നിവരാണ് ഇരട്ടയിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. സമീര് താഹിറിന്റെയും, ഷൈജു ഖാലിദിന്റെയും ഗിരീഷ് ഗംഗാധരന്റെയും കൂടെ ഛായാഗ്രഹണ മേഖലയില് പ്രവര്ത്തിച്ച വിജയ് ആണ് ഇരട്ടയുടെ ഡി ഓ പി. ഹിറ്റ് ഗാനങ്ങള് മലയാളി പ്രേക്ഷകര്ക്ക് സമ്മാനിച്ച ജേക്സ് ബിജോയാണ് സംഗീത സംവിധാനം നിര്വഹിച്ചിരിക്കുന്നത്. ലിറിക്സ് അന്വര് അലി. എഡിറ്റര് : മനു ആന്റണി, ആര്ട്ട് : ദിലീപ് നാഥ്, വസ്ത്രലങ്കാരം : സമീറ സനീഷ്, മേക്കപ്പ് : റോണക്സ്, സ്റ്റണ്ട്സ് : കെ രാജശേഖര് എന്നിവരാണ്. പി ആര് ഓ : പ്രതീഷ് ശേഖര്.
ഇരട്ടയുടെ കഥ, തിരക്കഥ, സംവിധാനം എന്നിവ നിര്വഹിക്കുന്നത് നവാഗതനായ രോഹിത് എം ജി കൃഷ്ണന് ആണ്. അപ്പു പാത്തു പ്രൊഡക്ഷന്ഹൗസിനും മാര്ട്ടിന് പ്രക്കാട്ട് ഫിലിംസിനും ഒപ്പം പ്രൊഡ്യൂസര് സിജോ വടക്കനും കൈകോര്ക്കുന്ന സിനിമയുടെ ഫസ്റ്റ് ലുക്ക് പോസ്റ്റര് ഇതിനോടകം തന്നെ ചര്ച്ചയായിരുന്നു.
