പ്രധാനമന്ത്രിയുടെ സഹോദരനും കുടുംബവും സഞ്ചരിച്ച കാര്‍ അപകടത്തില്‍പ്പെട്ടു

ബംഗളൂരു: പ്രധാനമന്ത്രി നരേന്ദ്ര മോദിയുടെ സഹോദരനും കുടുംബവും സഞ്ചരിച്ച കാര്‍ അപടകത്തില്‍പ്പെട്ടു. മൈസൂരിനടുത്ത് കടഗോളയിലായിരുന്നു അപകടം. ബന്ദിപ്പൂര്‍ വന്യമൃഗ സങ്കേതത്തിലേക്കുള്ള യാത്രയിലായിരുന്നു പ്രധാനമന്ത്രിയുടെ സഹോദരന്‍ പ്രഹ്‌ളാദ് മോദിയും കുടുംബവും. കാറില്‍ പ്രഹ്‌ളാദിനും ഡ്രൈവര്‍ക്കും പുറമേ ഭാര്യ, മകന്‍, മരുമകള്‍, കൊച്ചുമകന്‍ എന്നിവരുമുണ്ടായിരുന്നു. ഇടിയുടെ ആഘാതത്തില്‍ കാറിന്റെ മുന്‍ ഭാഗം തകര്‍ന്നിട്ടുണ്ട്. യാത്രക്കിടെ കാര്‍ നിയന്ത്രണം വിട്ട് ഡിെവെഡറില്‍ ഇടിക്കുകയായിരുന്നു. അപകട സമയത്ത് എയര്‍ബാഗുകള്‍ പ്രവര്‍ത്തിച്ചതിനാലാണ് വലിയ പരിക്കുകളില്ലാതെ രക്ഷപ്പെടാനായതെന്ന് പോലീസ് പറഞ്ഞു. പരുക്കേറ്റ എല്ലാവരെയും കടഗോളയിലെ സ്വകാര്യ ആശുപത്രിയില്‍ പ്രവേശിപ്പിച്ചു. കര്‍ണാടക സ്‌പോര്‍ട്‌സ് മന്ത്രി നാരായണ ഗൗഡ, മൈസൂരു ജില്ലാ പോലീസ് മേധാവി എന്നിവര്‍ പ്രഹ്‌ളാദ് മോദിയെയും കുടുംബത്തെയും ആശുപത്രിയില്‍ സന്ദര്‍ശിച്ചു.

Share
ssoolapani75@gmail.com'

About ന്യൂസ് ഡെസ്ക്

View all posts by ന്യൂസ് ഡെസ്ക് →