കുമളി: മുല്ലപ്പെരിയാര് അണക്കെട്ടില് ജലനിരപ്പ് 139 അടി പിന്നിട്ടു. തമിഴ്നാട് കൊണ്ടുപോകുന്ന വെള്ളത്തിന്റെ തോത് വര്ധിപ്പിച്ചില്ലെങ്കില് ഒരാഴ്ചയ്ക്കകം ജലനിരപ്പ് സംഭരണശേഷിയായി നിജപ്പെടുത്തിയിട്ടുള്ള 142 അടിയിലെത്തും. നിലവില് സെക്കന്ഡില് 511 ഘനയടി വെള്ളമാണ് തമിഴ്നാട് കൊണ്ടുപോകുന്നത്. 01/12/2022 അണക്കെട്ടിന്റെ വൃഷ്ടിപ്രദേശത്തു മഴ പെയ്തില്ല. എന്നാല്, അണക്കെട്ടിലേക്കുള്ള നീരൊഴുക്ക് 1123 ഘനയടിയില് തുടരുകയാണ്. 6874 മില്യണ് ഘനയടി ജലം മുല്ലപ്പെരിയാര് അണക്കെട്ടിലുണ്ടെന്നാണ് ഇന്നലത്തെ കണക്ക്.