ഗുരുവായൂർ: ആർ എസ് എസിന്റെ ഉച്ഛിഷ്ടം വാങ്ങി ഭക്ഷിച്ച ശേഷം മെക്കിട്ടു കേറാൻ വന്നാൽ അതിനൊന്നും വഴങ്ങുന്ന സംഘടനയല്ല ഇടതുപക്ഷമെന്ന് എം എം മണി പറഞ്ഞു. ആരിഫ് ഖാന് കുഴലൂത്തു നടത്തുകയാണ് കോൺഗ്രസെന്നും വി.ഡി സതീശനും സുധാകരനും ഗവർണറുടെ പാദ സേവകരായി മാറിയെന്നും മണി പറഞ്ഞു. ഗവർണർ ആരുടെ മൂക്കു ചെത്തുമെന്നാണ് പറയുന്നത്. നമ്മുടെ നികുതി പണം കട്ടുമുടിക്കുകയും നമ്മെ ഉപദ്രവിക്കുകയും ചെയ്യുകയാണ്. ഭരണഘടനയുടെയും പാർലമെന്ററി ജനാധിപത്യത്തിന്റെയും അന്തസത്ത തകർക്കാൻ കേന്ദ്ര സർക്കാർ ഗവർണർമാരെ ഉയോഗിക്കുന്നുവെന്നും മണി പറഞ്ഞു. ഗുരുവായൂർ ചൊവ്വല്ലൂർ പടിയിൽ സി .പി .ഐ എം സംഘടിപ്പിച ഫാസിൽ അനുസ്മരണ പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
രാജ് ഭവനെതിരെ രൂക്ഷ വിമർശനവുമായി മുൻ മന്ത്രി എം എം മണി
