തിരുവനന്തപുരം: സംസ്ഥാനത്ത് ഒരാൾക്ക് കൂടി മങ്കിപോക്സ് സ്ഥിരീകരിച്ചതായി ആരോഗ്യവകുപ്പ് മന്ത്രി വീണാ ജോർജ് അറിയിച്ചു. മലപ്പുറം ജില്ലയിലാണ് മങ്കിപോക്സ് സ്ഥിരീകരിച്ചത്. 2022 ജൂലൈ മാസം 6 ന് യുഎഇയിൽ നിന്നാണ് ഇദ്ദേഹം എത്തിയത്. 13/07/22 ന് പനി തുടങ്ങി. 15/07/22 ന് ശരീരത്തിൽ പാടുകൾ കണ്ടു. ഇപ്പോൾ മഞ്ചേരി മെഡിക്കൽ കോളേജ് ആശുപത്രിയിൽ ചികിത്സയിലാണ്. ഇദ്ദേഹവുമായി അടുത്ത സമ്പർക്കത്തിൽ ഉള്ളവരെ നിരീക്ഷണത്തിൽ ആക്കി. ഇതോടെ മൂന്നുപേർക്കാണ് സംസ്ഥാനത്ത് മങ്കി പോക്സ് സ്ഥിരീകരിച്ചത്. ഇവരുടെ ആരോഗ്യനില തൃപ്തികരമായി തുടരുന്നു എന്നും മന്ത്രി വ്യക്തമാക്കി.
സംസ്ഥാനത്ത് ഒരാൾക്ക് കൂടി മങ്കി പോക്സ് രോഗം സ്ഥിരീകരിച്ചു.
