പൊള്ളാച്ചി: സർക്കാർ ആശുപത്രിയിൽ നിന്ന് നാലുദിവസം പ്രായമുള്ള പെൺകുഞ്ഞിനെ തട്ടിക്കൊണ്ട് പോയതായി പരാതി. രണ്ടു സ്ത്രീകൾ ചേർന്നാണ് കുഞ്ഞിനെ കടത്തിയതെന്ന് പുറത്തുവന്ന ദൃശ്യങ്ങളിൽ നിന്നു വ്യക്തമാകുന്നു. പൊള്ളാച്ചി കുമാരൻ നഗർ സ്വദേശികളുടെ കുഞ്ഞിനെയാണ് കാണാതായത്. പൊള്ളാച്ചി സ്റ്റാൻഡിലെത്തി ബസ് മാർഗം സ്ത്രീകൾ കുഞ്ഞുമായി കോയമ്പത്തൂർ റെയിൽവേ സ്റ്റേഷനിലെത്തി.
2022 ജൂലൈ 3 ഞായറാഴ്ച രാവിലെ ഒൻപതരയോടെ ഒലവക്കോട് റെയിൽവേ സ്റ്റേഷനിൽ സ്ത്രീകൾ കുഞ്ഞിനെയും കൊണ്ട് പുറത്തിറങ്ങിയതിന്റെയും സിസിടിവി ദൃശ്യങ്ങൾ പൊള്ളാച്ചി പൊലീസിനു ലഭിച്ചു. പൊള്ളാച്ചി പൊലീസ് പാലക്കാട് പൊലീസിന്റെ സഹായത്തോടെ ജില്ലയുടെ വിവിധ ഇടങ്ങളിൽ പരിശോധന തുടരുകയാണ്.
