ന്യൂഡൽഹി: വ്യോമസേനയിലേക്കുള്ള അഗ്നിപഥ് രജിസ്ട്രേഷൻ 24/06/22 വെള്ളിയാഴ്ച ആരംഭിച്ചു. രാവിലെ 10 മണിയോടെ അപേക്ഷകൾ നൽകി തുടങ്ങാം. agnipathvayu.cdac.in എന്ന വെബ്സൈറ്റ് വഴിയാണ് അപേക്ഷകൾ നൽകേണ്ടത്. 2022 ജൂലൈ 5 വരെ അപേക്ഷകൾ നൽകാം. അന്തിമ നിയമന പട്ടിക ഡിസംബർ 11ന് പുറത്തിറക്കും. ഇക്കൊല്ലം 3000 പേർക്കാണ് നിയമനം.
indianairforce.nic.in എന്ന വെബ്സൈറ്റിൽ വിജ്ഞാപനം സംബന്ധിച്ചുള്ള പൂർണവിവരങ്ങൾ ഉൾപ്പെടുത്തിയിട്ടുണ്ട് നാവികസേനയിലേക്കുള്ള രജിസ്ട്രേഷൻ നടപടികൾ 25/06/22 ശനിയാഴ്ചയാണ് തുടങ്ങുക. അടുത്ത മാസം മുതലാണ് കരസേന രജിസ്ട്രേഷൻ .
അതേസമയം അഗ്നി പദ്ധതിക്കെതിരെ പ്രതിഷേധം പലയിടങ്ങളിലും തുടരുകയാണ് സംസ്ഥാനങ്ങളിൽ ജൂൺ 24 ന് പദ്ധതിക്കെതിരെ സംയുക്ത പ്രതിഷേധം നടത്തും.
ഒരു റാങ്ക് ഒരു പെൻഷൻ പദ്ധതിയിലൂടെ സൈനികരുടെ പെൻഷൻ തുക കുടിശ്ശിക അടക്കം നൽകാൻ കേന്ദ്രസർക്കാർ നീക്കം. അഗ്നിപഥ് പദ്ധതിക്കെതിരെ രാജ്യത്ത് പ്രതിഷേധം തുടരുന്ന സാഹചര്യത്തിലാണ് നടപടി. 2000 കോടി രൂപയാകും കുടിശ്ശിക ഇനത്തിൽ സർക്കാറിന് നൽകേണ്ടി വരിക.2022 മാർച്ചിൽ സുപ്രീംകോടതി വൺ റാങ്ക് വൺ പെൻഷനിലെ കേന്ദ്ര സർക്കാരിന്റെ നയവും, നടപ്പാക്കുന്ന രീതിയും ശരിവച്ചിരുന്നു.
ഇന്ത്യൻ എക്സ് സർവീസ് മൂവ്മെൻറ് നൽകിയ ഹർജി തള്ളി ആയിരുന്നു കോടതി വിധി.ഇതിൻറെ അടിസ്ഥാനത്തിൽ 2019 ജൂലൈ മുതൽ മുൻകാല പ്രാബല്യത്തോടെയാണ് പെൻഷൻ നൽകുക.അഗ്നിപഥ് പ്രതിഷേധം തുടരുന്ന സാഹചര്യത്തിൽ വരുംദിവസങ്ങളിൽ തന്നെ സർക്കാർ തീരുമാനം പ്രഖ്യാപിക്കുമെന്നാണ് പുറത്തുവരുന്ന വിവരം.