എറണാകുളം: തിരുവനന്തപുരം ജില്ലയിലെ ഞാറനീലി, കുറ്റിച്ചല് എന്നിവിടങ്ങളില് പട്ടികവര്ഗ വികസന വകുപ്പിന്റെ ആഭിമുഖ്യത്തില് യഥാക്രമം പ്രവര്ത്തിക്കുന്ന ഡോ. അംബേദ്കര് വിദ്യാനികേതന് സി.ബി.എസ്.ഇ സ്കൂള്, ജി കാര്ത്തികേയന് മെമ്മോറിയല് സി.ബി.എസ്.ഇ സ്കൂള് എന്നിവിടങ്ങളിലേക്ക് 2022-23 അധ്യയന വര്ഷം 1-ാം ക്ലാസിലേക്ക് പ്രവേശനം നേടാന് ആഗ്രഹിക്കുന്ന എറണാകുളം ജില്ലയിലെ പട്ടിക വര്ഗത്തിലും, മറ്റു സമുദായങ്ങളില്പ്പെടുന്നവരുമായ ഒരു ലക്ഷം രൂപയില് താഴെ വാര്ഷിക വരുമാനമുള്ള വിദ്യാര്ത്ഥികളുടെ രക്ഷിതാക്കളില് നിന്നും അപേക്ഷ ക്ഷണിച്ചു.
പ്രാക്തന ഗോത്രവര്ഗക്കാര്ക്ക് വരുമാന പരിധി ബാധകമല്ല. പേര്, രക്ഷിത പിന്റെ പേര്, മേല്വിലാസം (പിന്കോഡ് സഹിതം), ഫോണ് നമ്പര് എന്നിവ രേഖപ്പെടുത്തിയ അപേക്ഷ ജാതി, വരുമാനം, കുട്ടിയുടെ പ്രായം എന്നിവ തെളിയിക്കുന്ന രേഖകള് സഹിതം മൂവാറ്റുപുഴ ട്രൈബല് ഡെവലപ്പ്മെന്റ് ഓഫീസില് സമര്പ്പിക്കണം. അപേക്ഷ സമര്പ്പിക്കുന്ന കുട്ടികളുടെ മാതാപിതാക്കള്/ രക്ഷകര്ത്താക്കള് എന്നിവര് കേന്ദ്ര/സംസ്ഥാന/പൊതുമേഖലാ ജീവനക്കാരല്ല എന്ന് സ്വയം സാക്ഷ്യപ്പെടുത്തിയ സത്യവാങ്മൂലം നിര്ബന്ധമായും അപേക്ഷയോടൊപ്പം സമര്പ്പിക്കണം. അപേക്ഷ സ്വീകരിക്കുന്ന അവസാന തീയതി ഫെബ്രുവരി 18. കൂടുതല് വിവരങ്ങള്ക്ക് 0485-2814957.
