സാന്റിയാഗോ: മുന്‍ വിദ്യാര്‍ഥി നേതാവും ഇടതുപക്ഷ നിലപാടുകാരനുമായ 35കാരന്‍ ഗബ്രിയേല്‍ ബോറിക് ചിലി പ്രസിഡന്റ്. 1990നു ശേഷം അധികാരത്തിലെത്തുന്ന ഏറ്റവും പ്രായം കുറഞ്ഞ പ്രസിഡന്റാണ് അദ്ദേഹം.ഞായറാഴ്ച നടന്ന തെരഞ്ഞെടുപ്പില്‍ അദ്ദേഹത്തിന് 55.87% വോട്ട് ലഭിച്ചു. മുഖ്യഎതിരാളിയും വലതുപക്ഷ നിലപാടുകാരനുമായ ജോസ് ആന്റോണിയോ കാസ്റ്റിന് 44.13% വോട്ട് ലഭിച്ചു. അടുത്തവര്‍ഷം മാര്‍ച്ച് 11ന് ബോറിക് സത്യപ്രതിജ്ഞ ചെയ്ത് അധികാരമേല്‍ക്കും. അഴിമതിക്കെതിരേ നടന്ന ജനമുന്നേറ്റമാണു ബോറിക്കിനു കരുത്തായത്.
പത്തുവര്‍ഷം മുന്‍പ്, ചിലെയില്‍ വിദ്യാഭ്യാസ മേഖല സ്വകാര്യവല്‍ക്കരിച്ചതിനെതിരേ നടന്ന സമരത്തിലൂടെയാണു ബോറിക് ശ്രദ്ധേയനായത്. ഭരണപരിചയവുമില്ലാത്ത നേതാവുകൂടിയാണ് അദ്ദേഹം.
ചിലി പ്രസിഡന്റായി 35കാരന്‍ ഗബ്രിയേല്‍ ബോറിക്
