ബംഗളുരു: ജെ.ഡി.എസ്- കോണ്‍ഗ്രസ് മന്ത്രിസഭയില്‍ ജലസേചന മന്ത്രിയായിരിക്കെ ഡി.കെ. ശിവകുമാറിനെതിരേ ഉയര്‍ന്ന അഴിമതി ആരോപണം സംബന്ധിച്ച് കോണ്‍ഗ്രസ് നേതാക്കള്‍ നടത്തിയ ചര്‍ച്ച പുറത്ത്. ബി.ജെ.പി. നേതാവ് അമിത് മാളവ്യ ട്വിറ്ററിലൂടെയാണു ദൃശ്യം പങ്കുവച്ചത്.കോണ്‍ഗ്രസ് നേതാവും മുന്‍ എം.പിയുമായ വി.എസ്. ഉഗ്രപ്പ, പാര്‍ട്ടി മീഡിയ കോ-ഓര്‍ഡിനേറ്റര്‍ എം.എ. സലിം എന്നിവരാണു ദൃശ്യത്തിലുള്ളത്. ശിവകുമാറും അടുത്ത അനുയായിയും ഉള്‍പ്പെട്ട 50-100 കോടി രൂപയുടെ ഇടപാടിനെക്കുറിച്ചാണ് ഇരുവരും ചര്‍ച്ചചെയ്തത്. ഇവര്‍ക്കുവേണ്ടി ആറു മുതല്‍ 12 ശതമാനംവരെ അഡ്ജസ്റ്റ്മെന്റ് വേണമെന്നു നേതാക്കള്‍ പറയുന്നതു ക്യാമറയില്‍ പതിഞ്ഞു.
Former Congress MP V S Ugrappa and KPCC media coordinator Salim discuss how Party president DK Shivakumar takes bribes and a close aid of his has made between 50-100 crores in collection. They are also discussing how he stutters while talking and as if he his drunk.
— Amit Malviya (@amitmalviya) October 13, 2021
Interesting. pic.twitter.com/13rDXIRJOE
ശിവകുമാര്‍ മദ്യപാനിയാണെന്ന് ഉഗ്രപ്പയും സലിമും പറയുന്നതും ദൃശ്യത്തിലുണ്ട്. അതേസമയം, തനിക്കെതിരായ നേതാക്കളുടെ മോശം പരാമര്‍ശം നിഷേധിക്കുന്നില്ലെന്നും എന്നാല്‍, യാതൊരുവിധ സാമ്പത്തിക ഇടപാടുകളിലും താന്‍ പങ്കാളിയല്ലെന്നും ഡി.കെ. ശിവകുമാര്‍ പ്രതികരിച്ചു.
