തിരുവനന്തപുരം : നടന് മണിയന്പിളള രാജുവിന് ഭക്ഷ്യമന്ത്രി ഓണക്കിറ്റ് വീട്ടിലെത്തിച്ചു നല്കുന്നതിന് മുമ്പായി മണിയന്പിളള രാജുവിന്റെ ഭാര്യ റേഷന് കടയിലെത്തി ഇ പോസില് വിരലടയാളം പതിച്ചിരുന്നതായി വ്യാപാരി .ഇ പോസില് രേഖപ്പെടുത്താതെയാണ് ഭക്ഷ്യമന്ത്രി നേരിട്ടെത്തി ഓണക്കിറ്റ് നല്കിയതെന്ന ആരോപണം ഉയര്ന്നിരുന്നു. മഞ്ഞ കാര്ഡുകാര്ക്കാണ് ഇപ്പോള് ഓണക്കിറ്റ് വിതരണം ചെയ്യുന്നത്. വെളളക്കാര്ഡ് കൈവശമുളള മണിയന്പിളള രാജുവിന് എങ്ങനെ ഇപ്പോള് കിറ്റ് നല്കിയെന്നാണ് മറ്റൊരു ചോദ്യം.
അതേസമയം അനര്ഹമായ രീതിയില് കിറ്റ് വിതരണം നടത്തിയട്ടില്ലെന്ന് ഭക്ഷ്യമന്ത്രി അനില്കുമാര് പ്രതികരിച്ചു. അടിസ്ഥാനമില്ലാത്ത ആരോപണമാണ് ഉന്നയിക്കുന്നതെന്ന് അനില് കുമാര് പറഞ്ഞു. വിവാദങ്ങള്ക്ക് മറുപടിയില്ലെന്നും സര്ക്കാരന്റെ നല്ല ഉദ്യമത്തിനൊപ്പമാണ് താന് നില്ക്കുന്നതെന്നും മണിയന്പിളള രാജു പ്രതികരിച്ചു.