മോസ്‌കോ: 29 യാത്രക്കാരുമായി കാണായായ റഷ്യന്‍ വിമാനം തകര്‍ന്നുവീണതെന്ന് റിപ്പോര്‍ട്ട്. അപകടത്തില്‍ യാത്രക്കാര്‍ എല്ലാവരും മരിച്ചെന്നും രക്ഷാപ്രവര്‍ത്തകര്‍ അറിയിച്ചു. ഒരു കുട്ടിയടക്കം 22 യാത്രക്കാരും ആറ് ക്രൂ അംഗങ്ങളും പുറപ്പെട്ട വിമാനമാണ് റഷ്യയുടെ കിഴക്കേ അറ്റത്ത് തകര്‍ന്നുവീണത്. പെട്രോപാവ്ലോവ്സ്‌ക് -കാംചാറ്റ്സ്‌കി നിന്ന് പലാനയിലേക്ക് പുറപ്പെട്ട വിമാനത്തിലെ ആരും ജീവനോടെയില്ലെന്നാണ് വിവരം. പുറപ്പെട്ട് കുറച്ച് സമയത്തിനകം വിമാനവുമായുള്ള ആശയവിനിമയ ബന്ധം നഷ്ടപ്പെട്ടിരുന്നു. അന്റൊനോവ് എഎന്‍-26 എന്ന ഇരട്ട എന്‍ജിന്‍ വിമാനമാണ് തകര്‍ന്നുവീണത്.
കാണായായ റഷ്യന്‍ വിമാനം തകര്‍ന്നുവീണതായി സ്ഥീരികരണം: 29 മരണം
