ന്യൂഡല്ഹി: കോവിഡ് വ്യാപനം ഒഴിവാക്കാനുള്ള ഏക മാര്ഗം രാജ്യത്ത് ലോക്ഡൗണ് പ്രഖ്യാപിക്കലാണെന്ന് കോണ്ഗ്രസ് നേതാവ് രാഹുല് ഗാന്ധി. മിനിമം വേതനം ഉറപ്പാക്കുന്ന ന്യായ് പദ്ധതി പാലിച്ചു വേണം ലോക്ഡൗണ് ഏര്പ്പെടുത്തേണ്ടതെന്നും രാഹുല് 04/05/21 ചൊവ്വാഴ്ച പറഞ്ഞു.
കേന്ദ്രസര്ക്കാറിന്റെ ഉദാസീനത നിഷ്ക്കളങ്കരായ മനുഷ്യരെ കൊല്ലുകയാണെന്നും രാഹുല് പറഞ്ഞു.
എന്നാല്, നിലവില് രാജ്യത്ത് ലോക്ഡൗണ് ഏര്പ്പെടുത്തേണ്ട സാഹചര്യം ഇല്ലെന്നായിരുന്നു നേരത്തെ പ്രധാനമന്ത്രി നരേന്ദ്ര മോദി പറഞ്ഞത്. ഏറ്റവും ഒടുവില് മാത്രമേ സമ്പൂര്ണ ലോക്ഡൗണിലേക്ക് രാജ്യം പോവുകയുള്ളൂവെന്നും പ്രധാനമന്ത്രി പറഞ്ഞിരുന്നു.
