ന്യൂഡൽഹി: പശ്ചിമ ബംഗാളിൽ അധികാരം ഉറപ്പിച്ച് തൃണമൂൽ കോൺഗ്രസ്. 205 സീറ്റുകളിലാണ് തൃണമൂൽ കോൺഗ്രസിന്റെ മുന്നേറ്റം. ബി.ജെ.പി 84 സീറ്റുകളിലാണ് ലീഡ് ചെയ്യുന്നത്. 148 സീറ്റുകൾ നേടിയാൽ ഭരണം ഉറപ്പിക്കാം. അതേസമയം നന്ദിഗ്രാമിൽ ബി.ജെ.പിയുടെ സുവേന്ദു അധികാരി മുന്നേറുന്നത് മമത ബാനർജിക്ക് തിരിച്ചടിയാകും.
തമിഴ്നാട്ടിൽ വ്യക്തമായ ഭൂരിപക്ഷം ഉറപ്പാക്കി ഡി.എം.കെ മുന്നേറുകയാണ്. 129 സീറ്റുകളിലാണ് ഡി.എം.കെയുടെ മുന്നേറ്റം. എൻ.ഡി.എയുടെ ഭാഗമായ എ.ഐ.എ.ഡി.എം.കെ 101 സീറ്റുകളിലാണ് ലീഡ് ചെയ്യുന്നത്.
