കൊല്ലം: കൊല്ലത്തു നവജാത ശിശുവിനെ കരിയിലക്കൂട്ടത്തിൽ
ഉപേക്ഷിച്ച നിലയില് കണ്ടെത്തി. കല്ലുവാതുക്കല് നടയ്ക്കലിനു സമീപമാണു രണ്ടു ദിവസം മാത്രം പ്രായമുള്ള ഉപേക്ഷിച്ച നിലയില് കണ്ടെത്തിയത്.
ഈഴായിക്കോട് ക്ഷേത്രത്തിനു സമീപമുള്ള മഠത്തില്കുന്നിലെ ഒരു വീടിനു പിന്നിലെ പറമ്പിലെ കരിയിലക്കൂട്ടത്തിനിടയിലായിരുന്നു കുഞ്ഞ് കിടന്നിരുന്നത് .
കുഞ്ഞിന്റെ കരച്ചില് കേട്ടു വീട്ടുടമ പോലീസില് വിവരമറിയിച്ചു. തുടർന്ന് പോലീസെത്തി കുട്ടിയെ കൊല്ലം പാരിപ്പള്ളി മെഡിക്കല് കോളജ് ആശുപത്രിയിലേക്കു മാറ്റുകയായിരുന്നു.
മൂന്നു കിലോ തൂക്കമുള്ള ആണ്ക്കുഞ്ഞ് ആരോഗ്യവാനാണെന്ന് ആശുപത്രി അധികൃതര് പറഞ്ഞു. പോലീസ് കേസെടുത്ത് അന്വേഷണം തുടങ്ങി