തിരുവനന്തപുരം: തദ്ദേശ സ്വയം ഭരണ സ്ഥാപനങ്ങളിലേക്ക് നടന്ന തെരഞ്ഞെടുപ്പിന്റെ വോട്ടെണ്ണൽ ബുധനാഴ്ച (16/12/2020) രാവിലെ 8 മണിയോടെ ആരംഭിച്ചു. 11 മണിയോടെ മിക്കയിടത്തും അന്തിമ ഫലമറിയാം .
ശക്തമായ ത്രികോണ മത്സരം നടക്കുന്ന തിരുവനന്തപുരം കോർപ്പറേഷന്റെയും മുഴുവൻ ജില്ലാ പഞ്ചായത്തുകളുടെയും ഫലം വരുന്നതോടെ രാഷ്ട്രീയ കേരളത്തിന്റെ ഭാവി ഏറെക്കുറെ നിർണയിക്കപ്പെടും. കോവിഡ് ജാഗ്രതയുടെ ഭാഗമായി ആഹ്ലാദ പ്രകടനങ്ങൾക്കുൾപ്പടെ നിയന്ത്രണമേർപ്പെടുത്തിയിട്ടുണ്ട്.
