കാ​റു​ക​ള്‍ കൂ​ട്ടി​യി​ടി​ച്ചുണ്ടായ അ​പ​ക​ടത്തിൽ മൂ​ന്ന് പേ​ര്‍​ക്ക് പ​രു​ക്ക്; ഒ​രാ​ളു​ടെ നി​ല ഗു​രു​ത​രം

അ​ഞ്ചാ​ലും​മൂ​ട്: ബൈ​പാ​സി​ല്‍ നി​യ​ന്ത്ര​ണം​വി​ട്ട കാ​റു​ക​ള്‍ കൂ​ട്ടി​യി​ടി​ച്ചുണ്ടായ അ​പ​ക​ടത്തിൽ മൂ​ന്ന് പേ​ര്‍​ക്ക് പ​രു​ക്കേ​റ്റു. ഒ​രാ​ളു​ടെ നി​ല ഗു​രു​ത​രം.

അ​ഞ്ച​ല്‍ വ​ട​മ​ണ്‍ സു​ജാ​ത​യി​ല്‍ അ​നി​ല്‍​കു​മാ​ര്‍ (55), പ​ര​വൂ​ര്‍ കോ​ട്ട​പ്പു​റം വീ​ട്ടി​ല്‍ ഇ​ന്ദി​ര (70), പ്രീ​ത (50) എ​ന്നി​വ​ര്‍​ക്കാ​ണ് പ​രിക്കേ​റ്റ​ത്. അ​നി​ല്‍​കു​മാ​റി​ന്റെ സ്ഥിതി ഗുരുതരമായി തുടരുകയാണ്.

5-11-2020 വ്യാ​ഴാ​ഴ്ച വൈ​കു​ന്നേ​രം 4.30ന് ​നീ​രാ​വി​ല്‍ പാ​ല​ത്തി​ലാ​യി​രു​ന്നു അ​പ​ക​ടം. പ​രി​ക്കേ​റ്റ​വ​രെ പാ​ല​ത്ത​റ​യി​ലെ സ്വ​കാ​ര്യാ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. കാ​ര്‍ ഡ്രൈ​വ​ര്‍ അ​നി​ല്‍ കു​മാ​ര്‍ ഉ​റ​ങ്ങി​പ്പോ​യ​താ​കാം അ​പ​ക​ട​ത്തി​ന് കാ​ര​ണ​മെ​ന്നാ​ണ് പൊ​ലീ​സി​ന്റെ പ്രാ​ഥ​മി​ക നി​ഗ​മ​നം.

തി​രു​വ​ന​ന്ത​പു​രം ആ​ര്‍.​സി.​സി​യി​ല്‍ രോ​ഗി​യെ ഇ​റ​ക്കി​യ ശേ​ഷം കൊ​ച്ചി​യി​ലേ​ക്ക് പോ​കു​ക​യാ​യി​രു​ന്ന കാ​റും തി​രു​വ​ന​ന്ത​പു​ര​ത്ത് നി​ന്ന് ക​രു​നാ​ഗ​പ്പ​ള്ളി​യി​ലേ​ക്ക് പോ​കു​ക​യാ​യി​രു​ന്ന ട​വേ​ര​യു​മാ​ണ് പു​റ​കേ കൂ​ട്ടി​യി​ടി​ച്ച​ത്.

നീ​രാ​വി​ല്‍ പാ​ല​ത്തി​ലൂ​ടെ ഇ​ട​തു​വ​ശം ചേ​ര്‍​ന്ന് പോ​കു​ക​യാ​യി​രു​ന്ന അനിൽകുമാർ ഓടിച്ചിരുന്ന കാ​റിന്റെ നിയന്ത്രണം പെട്ടെന്ന് നഷ്ടപ്പെടുകയായിരുന്നു.

വ​ല​ത് വ​ശ​ത്തേ​ക്ക് പാഞ്ഞ കാർ പ​ര​വൂ​രി​ല്‍ നി​ന്ന് ച​വ​റ​യി​ലേ​ക്ക് കു​ടും​ബ​ത്തോ​ടൊ​പ്പം പോ​കു​ക​യാ​യി​രു​ന്ന ടവേരയിലേക്ക് ഇ​ടി​ച്ചു​ക​യ​റു​ക​യാ​യി​രു​ന്നു. ര​ണ്ട് സ്ത്രീ​ക​ളു​ള്‍​പ്പെ​ടെ അ​ഞ്ച് പേ​രാ​ണ് ടവേരയിൽ ഉണ്ടാ​യി​രു​ന്ന​ത്. ഇ​തി​ലു​ണ്ടായിരുന്ന ഇ​ന്ദി​ര​യും പ്രീ​ത​യും പരിക്കേറ്റ് ആശുപത്രിയിലാണ്.

അ​നി​ല്‍​കു​മാ​റി​നെ നാ​ട്ടു​കാ​ര്‍ കാ​ര്‍ വെ​ട്ടി​പ്പൊ​ളി​ച്ചാ​ണ് പു​റ​ത്തെ​ടു​ത്ത​ത്. പൊ​ലീ​സ് എ​ത്താ​ന്‍ വൈ​കി​യ​ത് നാ​ട്ടു​കാ​രു​മാ​യി വാ​ക്കു​ത​ര്‍​ക്ക​ത്തി​നി​ട​യാ​ക്കി. അ​പ​ക​ട​ത്തെ തു​ട​ര്‍​ന്ന് മ​ണി​ക്കൂ​റു​ക​ളോ​ളം ഗ​താ​ഗ​തം ത​ട​സ്സ​പ്പെ​ട്ടു.

ക​ട​പ്പാ​ക്ക​ട​യി​ല്‍ നി​ന്നും അ​ഗ്നി​ര​ക്ഷാ സേ​ന​യെ​ത്തി റോ​ഡ് ക​ഴു​കിയതിന് ശേഷമാണ് ഗ​താ​ഗ​ത യോ​ഗ്യ​മാ​ക്കിയത്. അ​ഞ്ചാ​ലും​മൂ​ട് നി​ന്ന് ക​ണ്‍​ട്രോ​ള്‍ റൂം ​പൊ​ലീ​സ് സ്ഥ​ല​ത്തെ​ത്തി ഗ​താ​ഗ​തം നി​യ​ന്ത്രി​ച്ചു.