പേരിന് ജാതിയോ മതമോ ഇല്ല’- മകളുടെ പിറന്നാൾ വിശേഷവുമായി അസിൻ

നിരവധി ഹിറ്റ് ചിത്രങ്ങളിലൂടെ തെന്നിന്ത്യയിലും ബോളിവുഡിലും പ്രേക്ഷകർക്ക് പ്രിയങ്കരിയായി മാറിയ നടിയാണ് അസിൻ. വിവാഹശേഷം സിനിമയിൽ അത്ര സജീവമല്ലെങ്കിലും സമൂഹമാധ്യമങ്ങളിലൂടെ താരത്തിൻ്റെയും മകളുടെയും വിശേഷങ്ങൾ പങ്കുവയ്ക്കാറുണ്ട്. ഇപ്പോഴിതാ, മകളുടെ മൂന്നാം പിറന്നാൾ ചിത്രങ്ങളും ഹൃദ്യമായൊരു കുറിപ്പും അസിൻ പങ്കുവയ്ക്കുന്നു.

‘ അരിൻ റയ്ൻ എന്നാണ് അവളുടെ പേര്. അവൾക്ക് ഇപ്പോൾ 3 വയസ്സ്- രാഹുലിന്റെയും എന്റെയും ആദ്യനാമങ്ങൾ കൂട്ടിചേർത്താണ് പേരിട്ടത്. ഈ പേര് ജാത, മതം, പുരുഷാധിപത്യം എല്ലാത്തിനും അതീതമായതാണ് . ഞങ്ങൾക്ക് സ്നേഹവും ആശംസകളും അനുഗ്രഹങ്ങളും അയച്ച എല്ലാവർക്കും നന്ദി!’- അസിൻ കുറിക്കുന്നു. ആദ്യമായി കുട്ടിയുടെ ചിത്രം പുറത്തുവിട്ടത് ഒന്നാം പിറന്നാളിനായിരുന്നു. അസിന്റെ ഭർത്താവ് രാഹുൽ ശർമ്മയാണ് ചിത്രം ട്വിറ്ററിലൂടെ പുറത്തുവിട്ടത്. 2001 ൽ സത്യൻ അന്തിക്കാട് സം‌വിധാനം ചെയ്ത് പുറത്തിറങ്ങിയ ചിത്രമായ നരേന്ദ്രൻ മകൻ ജയകാന്തൻ വകയിലൂടെയാണ് അസിൻ സിനിമാ രംഗത്തേക്ക് വന്ന അസിൻ മലയാളത്തിൽ നിന്നും പിന്നീട് പോയത് തെലുങ്കിലേക്കായിരുന്നു. തെലുങ്കിൽ ആദ്യമായി അസിൻ അഭിനയിച്ച ‘അമ്മ നന്ന ഓ തമിള അമ്മായി’ എന്ന ചിത്രത്തിലെ പ്രകടനത്തിന് മികച്ച നടിക്കുള്ള ഫിലിംഫെയർ പുരസ്കാരം നേടിയിരുന്നു.

Share
അഭിപ്രായം എഴുതാം