കിംഗ്സ്റ്റൺ: ലോക ഇതിഹാസം ഉസൈന്‍ ബോള്‍ട്ടിന് കോവിഡ് സ്ഥിരീകരിച്ചു. കഴിഞ്ഞ ദിവസം ജന്മദിനം ആഘോഷങ്ങൾക്ക് പിന്നാലെയാണ് അദ്ദേഹത്തിന് രോഗബാധ കണ്ടെത്തിയത്. ക്രിക്കറ്റ് താരം ക്രിസ് ഗെയ്‌ൽ, ഫുട്‌ബോള്‍ താരം റഹീം സ്‌റ്റെര്‍ലിംഗ് തുടങ്ങിയ പ്രമുഖര്‍ സമ്പര്‍ക്ക പട്ടികയിലുണ്ട്. ഇവർ ബോള്‍ട്ടിന്‍റെ ജന്മദിനാഘോഷത്തില്‍ പങ്കെടുത്തിരുന്നു.
കോവിഡ് ബാധിതനായ വിവരം ട്വിറ്ററിലൂടെ ഉസൈന്‍ ബോള്‍ട്ട് അറിയിച്ചു. രോഗ ലക്ഷണങ്ങൾ പ്രകടമല്ലെന്നും കോവിഡ് പ്രോട്ടോക്കോള് പ്രകാരം ക്വാറന്‍റൈനിൽ പോകുകയാണെന്നും അദ്ദേഹം ട്വിറ്ററില്‍ പങ്കുവച്ച വീഡിയോയിൽ വ്യക്തമാക്കി.
