ന്യുഡല്‍ഹി: ദേശീയ കായിക പുരസ്കാരങ്ങൾ പ്രഖ്യാപിച്ചു. ക്രിക്കറ്റ് താരം രോഹിത് ശര്‍മയക്കും പാരാ അത്ലറ്റ് മാരിയപ്പന്‍ തങ്കവേലുവിനും ടേബ്ള്‍ ടെന്നീസ് ചാമ്പ്യൻ മനിക ബദ്രയ്ക്കും ഗുസ്തി താരം വിനേഷ് ഫോഗാട്ടിനും ഹോക്കി താരം റാണി രാംപാലിനുമാണ് ഇത്തവണത്തെ രാജീവ് ഗാന്ധി ഖേല്‍ രത്ന പുരസ്കാരം ലഭിച്ചത്.
മലയാളി ഒളിമ്ബ്യന്‍ ജിന്‍സി ഫിലിപ്പ് ധ്യാന്‍ ചന്ദ് പുരസ്കാരത്തിന് അർഹയായി.
അഞ്ചുപേരാണ് ധ്യാന്‍ചന്ദ് പുരസ്കാരത്തിന് അര്‍ഹരായത്. 27 പേർ അര്‍ജുന അവാര്‍ഡിന് അര്‍ഹരായി. ക്രിക്കറ്റ് താരം ഇശാന്ത് ശര്‍മയും വനിത ക്രിക്കറ്റ് താരം ദീപ്തി ശര്‍മയും ഫുട്ബാള്‍ താരം സന്ദേശ് ജിങ്കനും അര്‍ജുന അവാര്‍ഡ് ലഭിച്ചവരിൽ ഉൾപ്പെടുന്നു.
