മുംബൈ: രണ്ട് തലയുളള പാമ്പിനെ മഹാരാഷ്ട്രയില്‍ കണ്ടെത്തിയതായി റിപ്പോര്‍ട്ട്. ഐഎഫ്എസ് കാരനായ സുശാന്ത നന്ദ ട്വിറ്ററിലൂടെ പങ്കുവച്ചതാണ് ഈ വിവരം. 11 സെന്റീമീറ്റര്‍ നീളവും 2 സെന്റീമീറ്റര്‍ വീതമുളള 2 തലകളുമുളള ഈ പാമ്പ് അണലി വര്‍ഗ്ഗത്തില്‍ പെട്ടതാണെന്ന് സുശാന്ത പറയുന്നു. ചേനത്തണ്ടന്‍ എന്നാണ് പൊതുവെ അറിയപ്പെടുന്നത്. ഇന്ത്യയിലെ അപകടകാരികളായ നാല് പാമ്പിനങ്ങളില്‍ ഒന്നാണിത്.
Double danger😳😳
— Susanta Nanda IFS (@susantananda3) August 8, 2020
Two headed Russell’s Viper rescued in Maharashtra. Genetic abnormality and hence low survival rates in the wild.
The Russell’s Viper is far more dangerous than most poisonous snakes because it harms you even if you survive the initial bite. pic.twitter.com/ATwEFFjaGy
ജനവാസ മേഖലകളിലാണ് ഈ ഇനത്തില്‍ പെട്ട പാമ്പിന്റെസാന്നിദ്ധ്യം കൂടുതല്‍ അനുഭവപ്പെടുന്നത്. അതുകൊണ്ടുതന്നെഇതിന്റെ കടിയേറ്റ് ഇന്ത്യയില്‍ മരിക്കുന്നവരുടെ എണ്ണം വളരെ കൂടുതലാണ്. പിടികൂടിയ പാമ്പിനെപരേലിലെ ഹാഫ്‌കൈന്‍ ഇന്‍സ്റ്റിറ്റ്യൂട്ടിന് കൈമാറി. ഇതേ വര്‍ഗ്ഗത്തില്‍പെട്ടതും രണ്ടു തലകളുളളതുമായ പാമ്പിനെ കഴിഞ്ഞ വര്‍ഷവും ഈ പ്രദേശത്ത് കണ്ടിരുന്നതായി റിപ്പോര്‍ട്ടുകളുണ്ട്.
ജനിതക അസാധാരണത മൂലമാണ് ഇത്തരത്തില്‍ സംഭവിക്കുന്നതെന്നും. അത്തരം പാമ്പുകളുടെ അതിജീവന നിരക്ക് വളരെ കുറവാണെന്നും വിദഗ്ദര്‍ അഭിപ്രായപ്പെട്ടു
