കൊല്ലം: അഞ്ചലില് പാമ്പുകടിയേറ്റ് യുവതി മരിച്ച സംഭവത്തില് ഭര്ത്താവ് സൂരജിനും കൃത്യനിര്വഹണത്തിന് പാമ്പിനെ എത്തിച്ചുനല്കിയ സുഹൃത്ത് സുരേഷിനുമെതിരേ വനംവകുപ്പും കേസെടുക്കും. വനം- വന്യജീവി വകുപ്പ് നിയമം അനുസരിച്ച് പാമ്പിനെ കൈവശംവച്ചതിനാണ് കേസെടുക്കുക. അഞ്ചല് ഏറം വെള്ളിശ്ശേരിയില് ഉത്ര(25)യാണ് കിടപ്പുമുറിയില് കരിമൂര്ഖന്റെ കടിയേറ്റു മരിച്ചത്. സംഭവത്തില് ഭര്ത്താവ് സൂരജിനെയും സുഹൃത്തും സഹായിയുമായ പാമ്പുപിടിത്തക്കാരന് സുരേഷിനെയും അറസ്റ്റ് ചെയ്തിരുന്നു. ചോദ്യംചെയ്യലില് ഇരുവരും കുറ്റം സമ്മതിച്ചിട്ടുണ്ട്.
പാമ്പുകടിയേറ്റ് യുവതി മരിച്ച സംഭവത്തില് പ്രതികള്ക്കെതിരേ വനംവകുപ്പും കേസെടുക്കും
