തൃശൂർ: കൊവിഡ്-19 ഭീതിയുടെ പശ്ചാത്തലത്തിൽ ഇത്തവണ തൃശൂർ പൂരം ആചാരാനുഷ്ഠാനങ്ങൾ മാത്രമായി ചുരുക്കുമെന്ന് റിപ്പോർട്ട്. 58 വർഷത്തിനിടെ ഇതാദ്യമായാണ് തൃശൂർ പൂരം റദ്ദാക്കുന്നതെന്നാണ് റിപ്പോർട്ടുകൾ വ്യക്തമാക്കുന്നത്. ഇത്തവണ മെയ് 3നായിരുന്നു തൃശൂർ പൂരം നടക്കേണ്ടിയിരുന്നത്.
ഇത്തവണ ആചാരാനുഷ്ഠാനങ്ങൾ മാത്രം നടത്താനാണ് ദേവസ്വം ബോർഡിന്റെ തീരുമാനം. നേരത്തെ പൂരം നടത്താനാകുമെന്ന പ്രതീക്ഷയിലായിരുന്നു ദേവസ്വം ബോർഡുണ്ടായിരുന്നത്. എന്നാൽ രാജ്യം കൂടുതൽ നിയന്ത്രണങ്ങളിലേക്ക് പോയതോടെയാണ് പൂര ആഘോഷങ്ങൾ ഒഴിവാക്കാൻ തീരുമാനിച്ചിരിക്കുന്നത്.
