കോട്ടയം ഏപ്രിൽ 3: കോവിഡ് ബാധിച്ച് കോട്ടയം മെഡിക്കല് കോളജില് ചികിത്സയിലായിരുന്ന റാന്നി സ്വദേശികളായ വൃദ്ധ ദമ്പതികള് ആശുപത്രിവിട്ടു. ഇറ്റലിയില് നിന്ന് വന്ന സ്വന്തം കുടുംബാംഗങ്ങളില് നിന്നും രോഗം പിടിപെട്ട 93 വയസ്സുകാരനായ തോമസ്, 88കാരിയായ ഭാര്യ മറിയാമ്മ എന്നിവരാണ് ആശുപത്രി വിട്ടത്. വെള്ളിയാഴ്ച വൈകുന്നേരമാണ് ഇവര് വീട്ടിലേക്ക് മടങ്ങിയത്. 60 വയസിന് മുകളില് കോവിഡ് 19 ബാധിച്ചവരെ ഹൈ റിസ്കിലാണ് പെടുത്തിയിരിക്കുന്നത്. ഇവര് വൈറസ് വിമുക്തരായതോടെ കേരളത്തിന് ഇത് അഭിമാനനിമിഷമാണ്.
ഫെബ്രുവരി 29ന് ഇറ്റലിയില് നിന്നെത്തിയ പത്തനംതിട്ട ജില്ലയിലുള്ള മൂന്നംഗ കുടുംബത്തിനും അവരുമായി അടുത്ത് സമ്പര്ക്കം പുലര്ത്തിയ ഈ വൃദ്ധദമ്പതികള്ക്കുമാണ് മാര്ച്ച് 8ന് കോവിഡ് 19 സ്ഥിരീകരിച്ചത്.
