കൊച്ചി ഫെബ്രുവരി 14: പന്തീരാങ്കാവ് യുഎപിഎ കേസിലെ പ്രതി അലന് ഷുഹൈബ് എല്എല്ബി പരീക്ഷയെഴുതുവാന് അനുമതി തേടി ഹൈക്കോടതിയെ സമീപിച്ചു. ഈ മാസം 18ന് നടക്കുന്ന രണ്ടാം സെമസ്റ്റര് പരീക്ഷ എഴുതാന് അനുമതി തേടിയാണ് അലന് കോടതിയെ സമീപിച്ചത്. കണ്ണൂര് യൂണിവേഴ്സിറ്റി പാലയാട് ക്യാമ്പസിലെ വിദ്യാര്ത്ഥിയാണ് അലന്.
വിഷയത്തില് കോടതി കേസ് അന്വേഷിക്കുന്ന എന്ഐഎ, കണ്ണൂര് യൂണിവേഴ്സിറ്റി എന്നിവരുടെ നിലപാട് തേടി. ഇക്കാര്യത്തില് തിങ്കളാഴ്ച വിശദമായ സത്യവാങ്മൂലം നല്കാനാണ് കോടതിയുടെ നിര്ദ്ദേശം. ഇത് പരിഗണിച്ചശേഷം കോടതി അലന്റെ ഹര്ജിയില് വിധി പറയും.
യുഎപിഎ കേസില് അലന് ഷുഹൈബിന്റെയും താഹയുടെയും റിമാന്റ് കാലാവധി കൊച്ചിയിലെ പ്രത്യേക കോടതി നീട്ടി. അടുത്ത മാസം 13 വരെയാണ് റിമാന്റ് കാലാവധി നീട്ടിയത്.
