ന്യൂഡല്‍ഹി ഡിസംബര്‍ 18: പൗരത്വ ഭേദഗതി നിയമം നടപ്പാക്കിയതില്‍ പ്രതിഷേധിച്ച് പത്മശ്രീ പുരസ്ക്കാരം തിരിച്ച് നല്‍കുമെന്ന് ഉറുദ്ദു സാഹിത്യകാരന്‍ മുജ്തബ ഹുസൈന്. “നമ്മുടെ ജനാധിപത്യം തകര്‍ന്നുകൊണ്ടിരിക്കുകയാണ്. ഒരു സംവിധാനവും നിലവിലില്ല. അര്‍ദ്ധരാത്രിയില്‍ സര്‍ക്കാര്‍ രൂപീകരിക്കുന്നു. രാവിലെ 7 മണിക്ക് ചിലര്‍ സത്യപ്രതിജ്ഞ ചെയ്യുന്നു. രാജ്യത്ത് ഭയത്തിന്റെ അന്തരീക്ഷം നിലനില്‍ക്കുന്നുവെന്നും അദ്ദേഹം വ്യക്തമാക്കി.
2007-ലാണ് ഉറുദ്ദു സാഹിത്യത്തിന് നല്‍കിയ സംഭാവനകള്‍ മുന്‍നിര്‍ത്തി ഹുസൈന് പത്മശ്രീ സമ്മാനിച്ചത്. മുജ്തബ ഒരു ഡസനിലധികം പുസ്തകങ്ങള്‍ എഴുതിയിട്ടുണ്ട്. അദ്ദേഹത്തിന്റെ രചനകള്‍ ഹിന്ദി, ഇംഗ്ലീഷ്, അടക്കമുള്ള ഭാഷയിലേക്ക് വിവര്‍ത്തനം ചെയ്തിട്ടുണ്ട്.
