മനില, ഒക്‌ടോബർ 17: തെക്കൻ ഫിലിപ്പൈൻസിലെ വടക്കൻ കൊട്ടബാറ്റോ പ്രവിശ്യയിൽ ഉണ്ടായ 6.3 തീവ്രത രേഖപ്പെടുത്തിയ ഭൂചലനത്തിൽ മരിച്ചവരുടെ എണ്ണം അഞ്ച് ആയി ഉയർന്നതായി പ്രാദേശിക അധികൃതർ അറിയിച്ചു. ഡാറ്റു പഗ്ലാസ് ടൗണിലെ മതിൽ തകർന്ന് ഏഴ് വയസുള്ള കുട്ടി ഒരു വീട്ടിൽ മരിച്ചുവെന്ന് നോർത്ത് കൊട്ടബാറ്റോയിലെ തുലുനാൻ പട്ടണത്തിലെ മേയർ റീയൽ ലിംബുങ്കൻ പറഞ്ഞു.
ഭൂചലനത്തെ തുടര്‍ന്ന് മണ്ണിടിഞ്ഞ് വീണ് അമ്മയും കുഞ്ഞും കൊല്ലപ്പെട്ടു. ഭൂചലനത്തിൽ ഉണ്ടായ നാശനഷ്ടങ്ങളും ദേശീയ ദുരന്ത നിവാരണ, മാനേജ്മെന്റ് കൗൺസിൽ ഇതുവരെ പുറത്തുവിട്ടിട്ടില്ല. മരിച്ചവരെ കൂടാതെ മക്കിലാല പട്ടണത്തിൽ 17 പേർക്ക് പരിക്കേറ്റതായും പ്രവിശ്യാ ദുരന്ത ഉദ്യോഗസ്ഥർ പറഞ്ഞു. നോർത്ത് കൊട്ടബാറ്റോയിലെ തുലുനാൻ പട്ടണത്തിലും ഡാവാവോ ഡെൽ സുറിലെ മഗ്സെസെ, ഡിഗോസ് എന്നിവിടങ്ങളിലും 60 പേർക്ക് പരിക്കേറ്റതായി മാധ്യമങ്ങൾ റിപ്പോർട്ട് ചെയ്തു.
പ്രാദേശിക സമയം 19.37 മണിക്ക് ഉണ്ടായ ഭൂചലനത്തിൽ 2 കിലോമീറ്റർ ആഴത്തിൽ വടക്കൻ കൊട്ടബാറ്റോ പ്രവിശ്യയിലെ മക്കിലാലയിൽ നിന്ന് 23 കിലോമീറ്റർ തെക്കുപടിഞ്ഞാറായി ഭൂകമ്പമുണ്ടായതായി ഫിലിപ്പൈൻ ഇൻസ്റ്റിറ്റ്യൂട്ട് ഓഫ് വോൾക്കനോളജി ആൻഡ് സീസ്മോളജി (ഫിവോൾക്സ്) അറിയിച്ചു.
