ശ്രീനഗർ, ഒക്ടോബർ 10: ക്രമസമാധാന പാലനത്തിന് സുരക്ഷാ ക്രമീകരണങ്ങൾ ഉണ്ടായിരുന്നിട്ടും, ആഗസ്റ്റ് 5 ന് ആർട്ടിക്കിൾ 370 റദ്ദാക്കുന്നതിനെതിരെ ജനങ്ങൾ പ്രതിഷേധിക്കുന്ന കശ്മീർ താഴ്‌വരയിലെ സ്കൂളുകളിലേക്കും കോളേജുകളിലേക്കും കുട്ടികളെ അയയ്ക്കാൻ മാതാപിതാക്കൾക്കിടയിൽ ആത്മവിശ്വാസം വളർത്താൻ അധികാരികൾക്ക് കഴിഞ്ഞില്ല. പ്രൈമറി, ഹയർ സെക്കൻഡറി സ്കൂളുകളും (എച്ച്എസ്എസ്) കോളജുകളും ഘട്ടംഘട്ടമായി താഴ്വരയിൽ വീണ്ടും തുറക്കുന്നതായി അധികൃതർ പ്രഖ്യാപിച്ചിട്ടും വിദ്യാർത്ഥികൾ ക്ലാസുകളിൽ നിന്ന് മാറിനിൽക്കുന്നു. എന്നിരുന്നാലും, ഒൻപതാം ക്ലാസിനും പന്ത്രണ്ടാം ക്ലാസ്സിനുമുള്ള പരീക്ഷ ഒക്ടോബർ അവസാന വാരം മുതൽ ആരംഭിക്കാൻ സാധ്യത.
ഈ അധ്യയന വർഷത്തിൽ സർവകലാശാല നടത്താനിരിക്കുന്ന വിവിധ പ്രൊഫഷണൽ ഇതര പരീക്ഷകളുടെ ഷെഡ്യൂളുകളെക്കുറിച്ച് കശ്മീർ യൂണിവേഴ്‌സിറ്റി വൈസ് ചാൻസലർ പ്രൊഫ. തലത്ത് അഹ്മദ് ഗവർണർ സത്യപാൽ മാലിക്കിനെ അറിയിച്ചു. കശ്മീർ സർവകലാശാല (കെ.യു), ഇസ്ലാമിക് യൂണിവേഴ്‌സിറ്റി ഓഫ് സയൻസ് ആൻഡ് ടെക്‌നോളജി (ഐ.യു.എസ്.ടി), സെൻട്രൽ യൂണിവേഴ്‌സിറ്റി കശ്മീർ (സി.യു.കെ), ക്ലസ്റ്റർ യൂണിവേഴ്‌സിറ്റി എന്നിവ ഓഗസ്റ്റ് 5 മുതൽ അടച്ചിരുന്നു.
ബുധനാഴ്ച താഴ്വരയിൽ കോളേജുകൾ വീണ്ടും തുറന്നിരുന്നുവെങ്കിലും, ഈ വിദ്യാഭ്യാസ സ്ഥാപനങ്ങളിൽ ഭൂരിഭാഗവും വ്യാഴാഴ്ച വിജനമായി തുടർന്നു. നഗരത്തിലെ അമർ സിംഗ് കോളേജ്, എസ്പി കോളേജ്, വിമൻസ് കോളേജ് എം‌എ റോഡ് എന്നിവിടങ്ങളിൽ അധ്യാപന,അനധ്യാപന ജോലിക്കാര്‍ മാത്രമേ ഉണ്ടായിരുന്നുള്ളൂ. 65 ദിവസത്തിനുശേഷം കോളജുകൾ വീണ്ടും തുറക്കുന്നതിന്റെ രണ്ടാം ദിനത്തിൽ അധ്യാപകർ വിദ്യാർത്ഥികൾക്കായി കാത്തിരിക്കുമ്പോൾ ഇസ്‌ലാമിയ കോളേജ്, ശ്രീനഗറിലെ വിമൻസ് കോളേജ് എന്നിവയും വിജനമായിരുന്നു.
താഴ്വരയിൽ പത്താം ക്ലാസ്, പന്ത്രണ്ടാം ക്ലാസ് വാർഷിക പരീക്ഷകൾ സുഗമമായി നടത്താനുള്ള തയ്യാറെടുപ്പ് അവലോകനം ചെയ്യുന്നതിനുള്ള യോഗത്തിൽ ഗവർണറുടെ ഉപദേഷ്ടാവ് ഫാറൂഖ് ഖാൻ ബുധനാഴ്ച അധ്യക്ഷത വഹിച്ചു. പരീക്ഷകൾ സുഗമമായി നടത്തുന്നതിന് ജമ്മു കശ്മീർ സ്കൂൾ വിദ്യാഭ്യാസ ബോർഡ് (ജെ കെ ബോസ്), പൊലീസും സിവിൽ അഡ്മിനിസ്ട്രേഷനും തമ്മിൽ സമ്പൂർണ്ണ സിനർജിയുടെ ആവശ്യകത യോഗത്തിൽ ഖാൻ ഊന്നിപ്പറഞ്ഞു.
